एजेन्सी – इन्डियन प्रिमियर लिग (आईपीएल) को ४३ औं खेलमा आज कोलकता नाइट राइडर्स र राजस्थान रोयल्सबीच प्रतिस्पर्धा हुँदै छ ।

खेल नेपाली समय अनुसार बेलुका ८ः१५ देखी कोलकताको घरेलु मैदान इडेन गार्डेनमा सुरु हुने छ । यसअघि राजस्थानको घरेलु मैदान जयपुरमा कोलकता ८ विकेटले विजयी भएको थियो । दुबै टोलीलाई प्ले अफको आसा कायमै राख्न आजको खेल जित्नै पर्ने दबाब छ । अन्यथा दुबै टोलीको अघिल्लो चरणको यात्रा कठिन बन्ने छ ।

जारी आईपीएलमा १० खेलमा ७ मा हार र ३ मा जितका साथ पुछारमा रहेको राजस्थान आजको खेलमा पराजित भएको खण्डमा लगभग समुह चरणबाटै बाहिरिने पहिलो टिम बन्ने निश्चित जस्तै छ । त्यस्तै १० खेलमा ४ मा जित र ६ मा हारका साथ छैटौं स्थानमा रहेको कोलकतालाई पनि प्ले अफको संभावना बलियो बनाउन आजको खेल जित्नै पर्ने हुन्छ । पराजित भएको खण्डमा कोलकताको पनि कठिन बन्ने देखिन्छ ।

कोलकताका आन्द्रे रसेलले विश्फोटक ब्याटिङ गर्दै कठिन जितलाई सहज बनाएका छन् । तर रसेल नचलेको दिन अन्य ब्याट्सम्यान चल्न नसक्दा कोलकता पराजित हुदैं आएको छ । कोलकताको बलिङ पनि जारी आईपीएलमा कमजोर देखिन्छ । टोलीका प्रमुख स्पिनर बलर कुलदिप यादवको खराव लय कोलकताको टाउको दुखाईको विषय हो ।

राजस्थानका बेन स्टोक्स र जोफ्रा आर्चर यस सिजनको आईपीएलमा आज अन्तिम खेल खेल्दै छन् । दुबै टोली इंग्ल्यान्ड फर्किदै छन् । विश्वकपको लागि स्टोक्स र पाकिस्तानसँगको वान डे सिरिज खेल्न आर्चर इंग्ल्यान्ड फर्किन लागेका हुन् । जस बटलर इंग्ल्यान्ड फर्किसकेको बुझिएको छ । राजस्थानका कप्तान स्टिभ स्मिथ,अजिंक्या रहाणे,सन्जु स्यामसन र श्रेयस गोपाल मुख्य खेलाडी हुन् ।