एजेन्सी – इन्डियन प्रिमियर लिग (आईपीएल) को ४० औं खेलमा आज दिल्ली क्यापिटल्स र राजस्थान रोयल्सबीच प्रतिस्प्रर्धा हुँदैछ । खेल नेपाली समय अनुसार बेलुका ८ : १५ देखी राजस्थानको घरेलु मैदान जयपुरमा सुरु हुनेछ ।

प्लेअफको संभावना कायमै राख्न राजस्थानले आजको खेल जित्नै पर्ने हुन्छ । दिल्ली आजको खेलमा विजयी भए प्ले अफ नजिक पुग्ने छ । राजिस्थान रोयलल्सका कप्तान स्टिभ स्मिथ,जस बटलर,जोफ्रा आर्चर,श्रेयस गोपालले उत्कृष्ट प्रर्दशन गर्दै आएका छन् । दिल्लीका कागिसो रबाडा, सन्दीप लामिछाने, शिखर धवन, श्रेयस ऐर, ऋषभ पन्त मुख्य खेलाडी हुन् ।

जारी आईपीएलमा दिल्ली क्यापिटल्स १० खेलमा ६ मा जित र ४ मा हारका साथ अंक तालिकामा तेस्रो स्थानमा छ । आजको खेलमा दिल्ली विजयी भए शीर्ष स्थान उक्लिने संभावना रहन्छ । त्यस्तै राजस्थान रोयल्सले ९ खेलमा ३ मा जित र ६ मा हारका सातौ स्थानमा छ ।

सन्दीपलाई एकरुपता प्रर्दशनको चुनौती

शनिवार किंग्स इलाभेन पन्जावविरुद्ध ४ ओभरमा ४० रन खर्चेर ३ विकेट लिएका सन्दीपलाई आजको खेलमा दिल्लीले पहिलो रोजाईमा मैदान उतार्ने निश्चित जस्तै छ । सन्दीपले पन्जावका विश्फोटक ब्याट्सम्यान क्रिस गेल, केएल राहुल र इंग्ल्यान्डका युवा अलराउण्डर साम करनलाई आउट गरेका थिए । पन्जावसँगको खेलको प्रर्दशन राजस्थानसँगको खेलमा पनि दोहोर्याउन सन्दीपलाई त्यतिनै चुनौती हुने छ ।

सन्दीपले दिल्लीबाट यस सिजनमा ५ खेलमा ८ विकेट लिएका छन् । सुरुवाती दुई खेलमा बेन्चमा बसेका सन्दीपले कोलकताविरुद्ध १, पन्जावविरुद्ध २, हैदरावाद र बेंगलोरविरुद्ध समान १ विकेट हात पारे । बेंगलोरको खेलपछि लगातार तीन खेलमा बेन्चमा बसेका सन्दीपले पन्जावसँगको खेलमा ३ विकेट लिँदै सनसनी मच्चाएका थिए ।