नेपालगन्ज (हाम्रो खेलकुद) –आठौं राष्ट्रिय खेलकुदअन्तर्गत क्रिकेटतर्फ पुरुष र महिलाको सेमिफाइनल समिकरण तय भएको छ ।

पुरुषतर्फ एपीएफ र प्रदेश १ ले फाइनलका लागि प्रतिस्पर्धा गर्नेछिन् । त्यस्तै त्रिभुवन आर्मी क्लब र नेपाल पुलिस क्लबले दोस्रो सेमिफाइनल खेल्नेछन् । महिलातर्फ प्रदेश१ र प्रदेश ७ ले अन्तिम चारमा प्रतिस्पर्धा गर्नेछन् । त्यस्तै एपीएफले फाइनल प्रवेशका निम्ति प्रदेश २ सँग प्रतिस्पर्धा गर्नेछ ।

नेपालगञ्जमा जारी ८ औं राष्ट्रिय खेलकुदको क्रिकेट अन्तरगत आईतबार भएको दोस्रो खेलमा प्रदेश नम्बर १ ले प्रदेश नम्बर ६ लाई ५० रनले पराजित गरेको छ । प्रदेश ६ ले कोहलपुर क्रिकेट मैदानमा टस जितेर फिल्डिङको निर्णय लिएको थियो । ब्याटिङको निम्तो पाएको प्रदेश १ ले निर्धारित २० ओभरमा ८ विकेट गुमाउँदै १ सय २३ रन बनाएको थियो । प्रदेश १ का लागि मुकुन्द यादवले ३२,राजन मगरले २३ र पुष्प थापा १७ रनमा आउट भए । प्रदेश ६ का युनिस बिक्रम सिंहले ३,दिनेश अघिकारी र प्रकास टाँसीले समान दुई विकेट लिए ।

१ सय २४ रनको विजयी लक्ष्य पछ्पाएको प्रदेश ६ ले १८.३ ओभरमा अल आउट हुँदै मात्र ७३ रन बनाउन सक्यो । उसका लागि रविन्द्र जंग शाहीले १६,प्रकास टाँसी १० र दिनेश पुनले १५ रन जोड्न बाहेक अन्य कुनै पनि ब्याट्सम्यानले दोहोरो अंकमा रन छुन सकेनन् । प्रदेश १ का फ्रिर्दोस,दिपेश कंडेल र पुष्प थापाले समान दुई विकेट लिए । पुष्प म्यान अफ द म्याच घोषित भए ।