एजेन्सी – कप्तानको जिम्मेवारी पाएको पहिलो खेलमै स्टिभ स्मिथले अविजित अर्धशतक जोडेपछि इन्डियन प्रिमियर लिग (आईपीएल) को ३६ औं खेलमा राजिस्थान रोयल्सले मुम्बई इन्डियन्सलाई ५ विकेटले हराएको छ । १ सय ६२ रनको लक्ष्य पक्ष्याएको राजस्थानले पाँच बल अगाडी ५ विकेटको क्षतिमा पुरा गर्यो ।

राजस्थानको जितमा कप्तान स्टिभ स्मिथले ४८ बलमा ५ चौका र १ छक्का सहित ५९ रनमा अविजित रहे । त्यस्तै रियान परागले २९ बलमा ५ चौका र १ छक्का सहित ४३,अजिंक्या रहाणे १२, बेन स्ट्रोक्स सुन्यमा आउट भए । एस्टन टर्नर सुन्यमा आउट हुँदा सन्जु स्यामसनले १९ बलमा ६ चौका र १ छक्का प्रहार गर्दै ३५ रनको योगदान दिए । मुम्बईका लागि युवा लेग स्पिनर राहुल चाहरले ४ ओभरमा २९ रन खर्चर ३ जसप्रित बुमराहले १ विकेट हात पारे ।

त्यस अघि जयपुरमा टस हारेर ब्याटिङ थालेको मुम्बईले निर्धारित २० ओभरमा ५ विकेटको क्षतिमा १ सय ६१ रन बनाएको थियो । मुम्बईका लागि ओपनर क्विन्टन डी ककले ६५ रनको योगदान दिए । १५ ओभरको तेस्रो बलमा बेन स्ट्रोक्सबाट श्रेयस गोपालले क्याच आउट गराउनु अघि डी ककले ४७ बलमा ६ चौका र २ छक्का प्रहार गरे । तेस्रो ओभरको तेस्रो बलमै कप्तान रोहित शर्मालाई ५ रनमा गुमाएको मुम्बईलाई डी ककले दोस्रो विकेटका लागि सुर्य कुमार यादवसँग ९७ रनको साझेदारी गर्दै इनिङ उकासेका थिए ।

स्टुअर्ट विन्नीले १४ ओभरको पाँचौ बलमा धवन कुलकर्णीबाट क्याच गराउँदै यादवलाई ३४ रनमा आउट गदैं साझेदारी तोडेका थिए । उनले ३३ बलमा समान १ चौका र छक्का प्रहार गरे । काईरन पोलार्ड १०,हार्दिक पान्ड्या २३ रनमा आउट हुँदा बेन कटिङ १३ र कु्रनाल पान्ड्या २ रनमा अविजित रहे । राजस्थानका लागि श्रेयस गोपालले २,जयदेव उनादकट,स्टुअर्ट बिन्नी र जोफ्रा आर्चरले समान एक विकेट लिए ।

राजस्थान रोयल्सले आजको खेलदेखी कप्तानको जिम्मेवारी स्टिभ स्मिथलाई दिएको छ । अजिंक्या रहाणेले सुरुवाती ८ खेलमध्यम ६ खेल हार्दै खराव सुरुवात दिलाएपछि प्ले अफमा पुग्नकोलागि उत्कृष्ट प्रर्दशनको लागि नयाँ कप्तानको आवश्यकता रहेको भन्दै स्मिथलाई उक्त जिम्मेवारी दिएको हो । अघिल्लो संकरणमा स्मिथ बल टेम्पिरिङ काण्डको कारण आईपीएल नखेलेपनि राजिस्थानले अजिंक्या रहाणेलाई कप्तान बनाएको थियो । जारी आईपीएलमा राजस्थान ९ खेलमा ६ मा हार र ३ मा जितका साथ सातौ स्थानमा छ ।