काठमाडौं(हाम्रो खेलकुद) – नेपालले मलेसियामा जारी आईसीसी यू१९ विश्वकप एसिया छनोट अन्तरगत अन्तिम खेलमा कुवतेसँग खेलि रहेको छ । नेपालले क्वालालाम्पुरमा टस जितेर पहिला फिल्डिङ गर्ने निर्णय लिएपछि ब्याटिङ थालेको कुवेतले ३५ ओभरमा १ सय ९ रन जोड्न ६ विकेट गुमाएको छ ।

• 

नेपाललाई पहिलो सफलता तेस्रो ओभरको पाँचौ बलमा राशिद खानले मिट भावसारलाई १० रनमा बोल्ड आउट गर्दै दिलाए । राशिद खानले कप्तान अब्दुल सद्दीकलाई पवन सरार्फबाट पाँचौ ओभरको पहिलो बलमा शून्यमा पेभिलिएन फर्काए ।

तेस्रो विकेटका लागि गोकुल कुमार र नोमान बुद्रोले ७४ रनको साझेदारी गर्दै कुवेतको इनिङ्स उकासे । यी दुईबीचको साझेदारी सुर्य तामाङले २४ ओभरको दोस्रो बलमा कुमारलाई ३६ रनमा बोल्ड आउट गर्दै तोडे । उनले ६६ बलमा ५ चौका प्रहार गरे ।

२६ ओभरको चौथो बलमा तामाङलेनै गोविन्द्र कुमारलाई भिम सार्कीबाट क्याच गराउदै १ रनमा पेभिलिएन फर्काएपछि नेपाल खेलमा फर्किएको छ । त्यस्तै कुशल मल्लले ३१ ओभरको चौथो बलमा सन्जीव नायरलाई ६ रनमा आउट गरेका छन् ।

मल्ललेनै ३३ ओभरको अन्तिम बलमा हमजा कुरेशीलाई रित गौतमबाट ३ रनमा आउट गर्दै कुवेतलाई संकटमा पारेका छन् ।
उसका नोमान ४२ रन बनाई खेली रहेका छन् ।