एजेन्सी – बलिङमा इमरान ताहिर र ब्याटिङमा सुरेश रैना चम्केपछि इन्डियन प्रिमियर लिग(आईपीएल) को २९ खेलमा चेन्नई सुपर किंग्सले कोलकता नाइट राइडर्सलाई ५ विकेटले हराएको छ ।

कोलकाताको घरेलु मैदानमा १ सय ६२ रनको लक्ष्य पछ्याएको चेन्नईले १९.४ ओभरमा ५ विकेटको क्षतिमा पुरा गर्यो । चेन्नईको जितमा नायक बनेका रैनाले ४२ बलमा ७ चौका र १ छक्का प्रहार गर्दै अविजित ५८ रनको मत्वपूर्ण योगदान दिए ।

त्यस्तै रविन्द्र जडेजाले १७ बलमा ५ चौका प्रहार गर्दै ३१ रनमा अविजित रहे । चेन्नईका अन्य फाफ डु प्लेसिसले १६ बलमा ५ चौका प्रहार गर्दै २४,शेन वाटसन ६,आम्बाती रायडू ५,केदार जाधव २० र महेन्द्र सिंह धोनी १६ रनमा आउट भए । कोलकताका लागि सुनिल नारायण र पियुस चवालाले समान दुई तथा हेरी गुर्नीले १ विकेट लिए ।

त्यसअघि टस हारेर पहिला ब्याटिङको निम्तो पाएको कोलकताले निर्धारित २० ओभरमा ८ विकेटको क्षतिमा १ सय ६१ रन बनाएको थियो ।कोलकताका लागि ओपनर क्रिस लीनले ५१ बलमा ७ चौका र ६ छक्का प्रहार गर्दै ८२ रन बनाएपनि जितको लागि प्राप्त रहेन । लिनलाई १५ ओभरको पहिलो बलमा ईमरान ताहिरले सार्दुल ठाकुरबाट क्याच आउट गराए ।

लिनबाहेक अन्य सबै ब्याट्सम्यान सस्तैमा आउट भएपछि कोलकता विशाल लक्ष्य बनाउन चुकेको हो । कप्तान दिनेश कार्तिक १८,नितेश रानाले २१, आन्द्रे रसेल १० सुनिल नारायण २,सभमन गिल १५ र रोविन उथप्पा शून्यमा आउट भए । चेन्नईका लागि ईमरान ताहिरले घातक बलिङ गर्दै ४ ओभरमा २७ रन खर्चेर ४ विकेट लिए । त्यस्तै सार्दुल ठाकुरले २,मिचेल सान्टनेर १ विकेट हात पारे ।

यो सँगै चेन्नई प्लेफ नजिक पुगेको छ । चेन्नईले ८ खेलमा ७ मा जित र १ मा हारका साथ १४ अंक जोड्दै शीर्ष स्थानमा कायमै छ । बाँकी दुई खेल जिते चेन्नई प्ले अफमा पुग्ने छ । कोलकता भने ८ खेलमा समान ४ मा जित र ४ मा हारका साथ अंक तालिकामा दोस्रो स्थानमा छ ।