एजेन्सी – ओपनर जस बटलरले आक्रमक अर्धशतक प्रहार गरेपछि इन्डियन प्रिमियर लिग (आईपीएल) को २७ औं खेलमा राजस्थान रोयल्सले मुम्बई इन्डियन्सलाई ४ विकेटले हराएको छ । यो राजस्थानको दोस्रो जित हो ।

१ सय ८८ रनको विजयी लक्ष्य पछ्याएको राजस्थानले ३ बल अगाडी ६ विकेटको क्षतिमा पुरा गर्यो । राजस्थानको जितमा ओपनर बटलरले मात्र ४३ बलमा ८ चौका र ७ छक्का प्रहार गर्दै ८९ रनको विष्फोटक ब्याटिङ गरे । बटलरलाई १४ ओभरको दोस्रो बलमा युवा स्पिनर राहुल चाहरले सुर्य कुमार यादवबाट क्याच आउट गराएपछि शतक बनाउन चुकेका थिए । त्यस्तै कप्तान अजिंक्या रहाणेले २१ बलमा ६ चौका र १ छक्का प्रहार गर्दै ३७ रन बटुले ।

सन्जु स्यामसन ३१ र स्टिभ स्मिथ १२ रनमा आउट भए । राजस्थानले अन्तिम समयतिर ५ रन जोड्न ४ विकेट गुमाएपछि खेल रोमान्चक मोडमा पुगेको थियो । तर श्रेयस गोपालले ७ बलमा २ चौका प्रहार गर्दै १३ रनमा अविजित रहेपछि राजस्थान विजयी भएको हो । मुम्बईका लागि कु्रनाल पान्ड्याले ४ ओभरमा ३४ रन खर्चेर ३,जसप्रित बुमराह २ र राहुल चाहरले एक विकेट लिए ।

त्यसअघि घरेलु मैदान वानखेडेमा टस हारेर पहिला ब्याटिङ थालेको मुम्बईले निर्धारित २० ओभरमा ५ विकेटको क्षतिमा १ सय ८७ रन बनायो । मुम्बईका लागि ओेपनर क्विन्टन डी ककले ५२ बलमा ६ चौका र ४ छक्का प्रहार गर्दै ८१ रन बनाएपनि त्यो जितको लागि प्राप्त रहेन। डी ककलाई जोफ्रा आर्चरले १९ ओभरको तेस्रो बलमा विकेटकीपर जस बटलरबाट क्याच गराए । त्यस्तै अर्का ओपनर रोहित शर्माले ३२ बलमा ६ चौका र १ छक्का प्रहार गर्दै ४७ रनमा आउट भए ।

पहिलो विकेटका लागि शर्मा र डी ककले १०.५ ओभर सम्म ९६ रनको उत्कृष्ट साझेदारी गर्दै सानदार सुरुवात दिलाएका थिए । शर्मालाई जोफ्रा आर्चरले विकेटकीपर जस बटलरबाट क्याच गराउँदै साझेदारी तोडे। १४ ओभरको पहिलो बलमा धवन कुलकर्णीले सुर्य कुमार यादवलाई १६ रनमा बोल्ड आउट गर्दिए ।

पन्जावसँगको खेलमा विष्फोटक ब्याटिङ गरेका काइरन पोलार्डलाई जोफा आर्चरले १७ ओभरको दोस्रो बलमा श्रेयस गोपालबाट ६ रनमा क्याच आउट गराए । हार्दिक पान्ड्याले ११ बलमा १ चौका र ३ छक्का प्रहार गर्दै २८ रनमा अविजित रहे । राजस्थानका लागि जोफ्रा आर्चरले ४ ओभरमा ३९ रन खर्चेर ३ विकेट लिए । त्यस्तै धवन कुलकर्णी र जयदेव उनादकटको नाममा समान १ विकेट रह्यो ।