एजेन्सी – इन्डियन प्रिमियर लिग(आईपीएल) मा आज चेन्नई सुपर किंग्स र राजस्थान रोयल्सबीच प्रतिस्पर्धा हुँदैछ । खेल नेपाली समय अनुसार बेलुका ८:१५ देखि राजस्थानको घरेलु मैदान जयपुरमा सुरु हुनेछ ।

यस अघि चेन्नईको घरेलु मैदानमा भएको खेलमा राजस्थान ८ रनले पराजित भएको थियो । राजस्थान हारको बदला लिन चाहादा चेन्नई जितलाई निरन्तरता दिन चाहन्छ । जारी आईपीएलमा अनुभवि खेलाडीले भरिएको चेन्नई बलियो देखिएको छ ।

चेन्नईले सूरुवाती ६ खेलमा ५ मा जित र १ मा हारका साथ १० अंक जोड्लै शीर्ष स्थानमा छ । राजस्थानले भने कमजोर प्रर्दशन गर्दै सुरुवाती ५ खेलमा ४ खेलमा पराजित हुँदा १ जित निकाल्दै २ अंकका साथ अंक तालिकामा ७ औं स्थानमा छ । अघिल्लो चरणको संभावना कायमै राख्न राजस्थानलाई पनि आजको खेल जित्नै पर्ने दवाव छ । आजको खेलमा पराजित भएको खण्डमा राजस्थानको अघिल्लो चरणको यात्रा कठिन बन्ने छ ।

जारी आईपीएलमा चेन्नइका हरभजन सिंह,दिपक चाहर,इमरान ताहिर,रविन्द्र जडेजाले उत्कृष्ट बलिङ गरि रहेका छन् । त्यस्तै ड्वेन ब्राभो,आफ डु प्लेसिस,महेन्द्रसिंह धोनी र शेन वाट्शन पनि राम्रो लयमा छन् । यता राजस्थानका जोफ्रा आर्चर,श्रेयस गोपाल,कृष्णाप्पा गौतम,जस बटलर र कप्तान अजिंक्या रहाणे,सन्जु स्यामसन ले राम्रो प्रर्दशन गरि रहेका छन् ।