एजेन्सी – इन्डियन प्रिमियर लिग(आईपीएल) भारतका विभिन्न शहरमा जारी छ । मार्च २३ देखि सुरु भएको खेलमा २२ खेल सकिँदा ६ खेल खेलेको रोयल च्यालेन्जर्स बेंगलोर भने जितविहिन छ ।

लगातार हारसँगै भारतीय टिमका कप्तान समेत रहेका विराट कोहलीको चर्को आलोचना भई रहेको छ । धेरैले कोहलीले बेंगलोरको कप्तानी छोड्नु पर्नेतर्क राखेका छन् ।

यसै क्रममा इंग्ल्यान्डका पुर्व कप्तान माइकल वाँनले कोहलीलाई आईपीएल नखेल्न आग्रह गरेका छन् । माइकलले ट्वीट गर्दै भनेका छन् , ‘भारत होसियार छ भने अब विराट कोहलीलाई विश्वकप अघि आराम दिन आवश्क छ । ठूलो प्रतियोगिता अर्थात विश्वकप अघि कोहलीलाई थोरै आराम गर्ने समय मिल्ने छ । ‘

आईपीएल सकिएको १५ दिनपछि इंग्ल्यान्डमा विश्वकप सुरु हुने छ । यो प्रर्दशन र नतिजाले विश्वकपमा भारतलाई ठूलो असर पर्नसक्ने समर्थकहरुले पनि चिन्ता ब्यक्त गरिरहेका छन् । एक समर्थक गौरव आस्थीले ट्वीट गर्दै लेखेका छन् ‘विराट कोहलीले आसीबीको कप्तानी छोड्नुपर्छ । यसले विराट र आरसीबी दुबैलाई फाइदा पुग्ने छ ।’

त्यस्तै भारतीय टिमका पुर्व ओपनर ब्याट्सम्यान समेत रहेका गौतम गम्भीर भनेका छन् , ‘विराटले कप्तानीको रुपमा लामो यात्रा तय गर्न बाँकी छ । तर उनिमा कुशल कप्तानको गुण भने देखिदैन । आईपीएलको उपाधि जिताउन नसक्ने कप्तानले कसरी विश्वकप जिताउन सक्लान् भन्ने मलाई चिन्ता ।’

बेंगलोरले हाल सम्म आईपीएलको उपाधि जित्न सकेको छैन । जारी सिजनमा लगातार ६ खेलमा पराजित भएको बेंगलोरको अघिल्लो चरण यात्रा कठिन देखिन्छ । बेंगलोरले प्ले अफको लागि बाँकी सबै खेल जित्नै पर्ने हुन्छ । बेंगलोरले आफ्नो सातौं खेल अप्रिल १३ मा किंग्स इलाभेन पन्जावसँग चण्ढीगणमा खेल्ने छ ।