एजेन्सी – कप्तान विराट कोहली र एबी डी भिलियर्सले सानदार अर्धशतक प्रहार गरेपछि इन्डियन प्रिमियर लिग(आईपीएल) को १७ औं खेलमा रोयल च्यालेन्जर्स बेंगलोरले कोलकता नाइट राइडर्सलाई २ सय ६ रनको विशाल लक्ष्य दिएको छ ।

घरेलु मैदान चिन्नावास्मी मैदानमा टस हारेर ब्याटिङको निम्तो पाएको बेंगलोरले निर्धारित २० ओभरमा ३ विकेटको क्षतिमा २ सय ५ रन बनायो । बेंगलोरलाई विशाल लक्ष्य बनाउन ओपनर विराट कोहलीले ८४ रनको महत्वपूर्ण इनिङ्स खेले । कोहलीले ४९ बलमा ९ चौका र २ छक्का प्रहार गरे ।

दोस्रो विकेटका लागि कोहलीले डी भिलियर्ससँग १ सय ८ रनको शतकीय साझेदारी गर्दै बलियो योगफल सम्म पुर्याए । १८ ओभरको पहिलो बलमा कुलदीप यादवले कोहलीलाई आफैं क्याच लिदै साझेदारी तोडे । आक्रमक रुपमा रन जोडेका डी भिलियर्सले ३२ बलमा ५ चौका र ४ छक्का प्रहार गर्दै ६३ रनमा क्याच आउट भए । डी भिलियर्सलाई १९ औं ओभरको पाँचौ बलमा सुनिल नारायणले सुबमन गिलबाटबाट क्याच गराए ।

ओपनर कोहलीले पहिलो विकेटका लागि पार्थिव पटेलसँग ७.५ ओभरमा ६४ रनको साझेदारी गर्दै राम्रो सुरुवात दिलाएका थिए । पटेल २५ रनमा आउट हुँदा मार्कस स्टोइनिसले १३ बलमा ३ चौका र १ छक्का प्रहार गर्दै २८ रनमा अविजित रहे । प्रसिद्ध कृष्णलाई स्टोइनिसले अन्तिम ओभरको चौथो बलमा चौका र पाँचौ बलमा छक्का र अन्तिम बलमा चौका प्रहार गर्दै फिनिस गर्दै १८ रन जोडेपछि बेंगलोरले २ सय रन कटाउन सफल भएको थियो ।

कोलकताका लागि कुलदिप यादव,सुनिल नारायण, नितेश रानाले समान १ विकेट लिए । सुरुवाती ४ खेलमा पराजित भएको बेंगलोरलाई अघिल्लो चरणको यात्रा कायमै राख्न आजको खेल जित्नै पर्ने दवाव छ ।