एजेन्सी – इन्डियन प्रिमियर लिग (आईपीएल) मा आज नेपाली लेग स्पिनर सन्दीप लामिछाने सम्मिलित दिल्ली क्यापिटल्सले आफ्नो चौथो खेल अन्तरगत किंग्स इलाभेन पन्जावसँग खेल्दै छ । खेल नेपाली समय अनुसार बेलुका ८:१५ देखी मोहालीमा सुरु हुने छ । दुवै टोली तेस्रो जितको खोजिमा छन् ।

दिल्लीले पहिलो खेलमा मुम्बईलाई ३७ रनले हराउँदा चेन्नई सुपर किंग्ससँग ६ विकेटले पराजित भएको थियो । तेस्रो खेलमा कोलकता नाइट राइडर्समाथि सुपर ओभरमा जित निकालेको थियो ।

पन्जावले पहिलो खेलमा राजस्थानलाई १४ रनले पराजित गर्दा दोस्रो खेलमा कोलकतासँग २८ रनले पराजित भएको थियो । तेस्रो खेलमा मुम्बईलाई ८ विकेटले हराएको थियो । दिल्लीमा पृथ्वी शा,ऋषभ पन्त,कागिसो रबाडाले सुरुवाती खेलमा उत्कृष्ट प्रर्दशन गरेका छन् । पन्जावबाट क्रिस गेल, केएल राहुल,मंयक अग्रवालको प्रर्दशन उत्कृष्ट छ । हालसम्मको हेड टु हेडमा पन्जाव बलियो देखिन्छ । यी दुई टोली आईपीएलमा एक अर्काबीच २२ पटक भिड्दा पन्जाव १३ र दिल्ली ९ पटक विजयी भएको छ । तर यस पटक मैदानमा भने पन्जाव भन्दा दिल्ली तुलानात्मक रुपमा बलियो देखिन्छ ।

पन्जावसँगको खेलमा सन्दीपले मौका पाउने उच्च संभावना छ । कोलकतासँगको खेलमा ४ ओभरमा २९ रन खर्चेर १ विकेट लिएका सन्दीपलाई दिल्लीले निरन्तरता दिने अनुमान गरिएको छ । सन्दीप सुरुवाती दुई खेलमा भने बेन्चमा बसेका थिए ।