एजेन्सी – इन्डियन प्रिमियर लिग (आईपीएल) को चौथो खेलमा आज राजास्थान रोयल्स र किंग्स इलाभेन पञ्जावबीच प्रतिसप्रर्धा हुदैँ छ ।

नेपाली समय अनुसार बेलुका ८ः१५ देखी जयपुरमा सुरु हुने खेलमा दुबै टोली १२ आंै संस्करणको पहिलो खेल खेल्दै छन् ।

दुबै टोली सुखद सुरुवात गर्ने सोचका साथ मैदान प्रवेश गर्ने छन् । अस्टे«लियाका पुर्व कप्तान समेत रहेका स्टिभ स्मिथले पञ्जावसँगको खेलबाट आईपीएलमा पुनरागमन गर्नेछन् । गत संस्करणमा बल टेम्परिङ काण्डका कारण स्मिथले आफ्नो नाम फिर्ता लिएका थिए ।

राजास्थानको कप्तान अजिंक्या रहाणे गर्नेछन् । हिटर तथा विकेटकिपर जस बटरलर, अलराउण्डर बेन स्ट्रोक्स,अस्टन टर्नर, ओशन थोमस राजास्थानका मुख्य हतियार हुन् । स्मिथसँगै, हराणे, सन्जु स्यामसन राजस्थानका टप अडरका ब्याट्सम्यान हुन् ।

तीब्र गतिका बलरमा जयदेव उनादकट, श्रेयर गोपाल, जोफ्रा आर्चर, धवन कुलकर्णी छन् । स्पिनरको रुपमा ईश सोधि रहेका छन् । राजस्थानले पहिलो संस्करणको आईपीएलको उपाधि जितेको थियो । त्यस यता उपाधि जित्न सकेको छैन ।

यता हालसम्म आईपीएलको उपाधि जित्न नसकेको पञ्जावको कप्तानी रविचन्द्र आश्विनले गर्नेछन् । विश्फोटक ब्याट्सम्यान क्रिस गेल, केएल राहुल, डेविड मिलर, निकोलस पुरन पञ्जावमै छन् ।

गत संस्कराणमा सर्वाधिक विकेट लिने एन्ड्रयु टाईसँगै मोहम्मद शामी, युवा अलराउण्डर साम करन, स्पिनर मुजिव उर रहमान, वरुण चत्रवर्ती पञ्जावका मुख्य हतियार हुन् । युवा ब्याट्सम्यान मंयक अग्रवाल पनि पञ्जावमै छन् ।