एजेन्सी – पाकिस्तान सुपर लिग (पिएसएल) २०१९ को उपाधि क्वेटा ग्ल्याडीयटर्स जितेको छ । आईतबार राती सम्पन्न खेलमा पेशवार जाल्मीलाई ८ विकेटले हराउँदै उपाधि जित्न सफल भएको हो ।

१ सय ३९ रनको लक्ष्य पछ्याएको ग्ल्याडीयटर्सले १३ बल अगाडी नै २ विकेट गुमाउँदै पुरा गर्दै उपाधि जित्न सफल भयो । ग्ल्याडीयटर्सलाई उपाधि दिलाउन ओपनर अहमद शहजादले ५१ बलमा ६ चौका र १ छक्का प्रहार गर्दै ५८ रनमा अविजित रहे । अहसन अली २५, रिली रौसोव ३९ र शेन वाटसनले ७ रन जोडे ।

त्यसअघि कराँचीमा टस हारेर पहिला ब्याटिङ थालेको पेशवार जाल्मीले निर्धारित २० ओभरमा ८ विकेटको क्षतिमा १ सय ३८ रन बनाएको थियो । उसका लागि उमर अमिनले ३८,कामरा्न अकमल २१,सोहेब मसुद २० र कप्तान डरेन स्यामीले १८ रन बनाउन बाहेक अन्य कुनै पनि ब्याट्सम्यानले राम्रो प्रर्दशन गर्न सकेनन् । ग्ल्याडीयटर्सका लागि मोहम्मद हसनैनले ३,ड्वेन ब्राभो २,मोहम्मद नवाज र फहवाद अहमदले समान एक विकेट लिए ।

पाकिस्तान सुपर लिगमा नेपाली लेग स्पिनर सन्दीप लामिछानेले पनि लाहोर कलन्दर्सबाट खेलेका थिए । तर खराव प्रर्दशनका कारण लाहोर समुह चरणबाटै बाहिरीदा सन्दीपले ७ खेलमा ११ विकेट लिन सफल भए । सन्दीप पिएसएल खेलेर गत मंगलबार नेपाल फर्किदा आगमी बुधबार आईपीएल खेल्ने दिल्ली जार्दै छन् ।