दिल्ली ,(एजेन्सी) क्रिस मोरिसले ब्याट्डि र बलिड्मा उच्च प्रदर्शन गरेपनि दिल्ली डेरडेभिल्स गुजराज लायन्ससँग १ रनले पराजित भएको छ । ६ खेलमा पाँचौ जितपछि १० अंकका साथ गुजराज कोलकाता नाइट राइडर्सलाई पछि पार्दै अंकतालिकाको शीर्षस्थानमा उक्लेको छ । ८ टोली रहेको आइपिएलमा ६ अंकसहित दिल्ली तेस्रो स्थानमा छ ।

ब्याटिड् गर्दै दिल्लीका क्रिस मोरिस ।

१ सय ७३ रनको लक्ष्य पछ्याएको दिल्लीले २० ओभरमा ५ विकेट गुमाएर १ रन कम १ सय ७१ रन जोड्यो । मोरिसले ३२ बलमा ४ चौका र त्यसको दोब्बर ८ छक्कासहित अविजित ८२ रन त बनाए, तर उनको टोली जित्न सकेन । १ रनले पराजित भयो । शीर्ष ब्याट्सम्यानहरु नचलेपछि जेपी डुमिनी र मोरिसले टोलीलाई जिततर्फ अग्रसर गराएका थिए । ड्वान ब्राभोले अन्तिम ओभर कसिलो बलिड् गरेपनि दिल्ली झिनो अन्तरले जितबाट विमुख हुन पर्यो । डुमिनीले ४८ र रिसब पन्तले २० रन बनाए । गुजराजका धवल कुलकर्नीले ३ तथा ब्राभो र जेम्स फकनरले समान १ विकेट लिए ।
त्यसअघि टस हारेर ब्याटिड्को निम्ता पाएको ओपनरद्धय ड्वाने स्थिम र ब्रान्डन म्याकलमको अर्धशतकमा गुजराजले ६ विकेट गुमाएर १ सय ७२ रन बनाएको थियो । पहिलो विकेटका लागि उनीहरुले १ सय १२ रनको साझेदारी गरे । म्याकलमले ३६ बलमा ६ चौका र ३ छक्काका साथ ६० रन जोडे । ३० बल खेलेका स्थिमले ५ चौका र ३ छक्कामा ५३ रन बटुले । दिनेश कार्कीले १९ र फकनरले २२ रन बनाउनु बाहेक अन्य ब्याट्सम्यान चल्न सकेनन् ।
ब्याटिडमा समेत उच्च प्रदर्शन गरेका मोरिले २ विकेट समेत लिए । इमरान तारिहले २ र डुमिनीले १ विकेट लिए । आइपिएलमा बिहीबार कोलकाता र मुम्बई इन्डियन्सबीच प्रतिस्पर्धा हुनेछ ।