एजेन्सी – भारतीय राष्ट्रिय क्रिकेट टोलीका पूर्वकप्तान सौरव गांगुलीले मे ३० देखी जुलाई १४ सम्म इंग्ल्यान्ड र वेल्समा हुने विश्वकपको भारतीय टिममा अलराउणन्डर रविन्द्र जडेजा आवश्यक नरहेको बताएका छन् ।

‘जडेजाको स्थानमा भारतलाई एक उत्कृष्ट अलराउण्डर चाहिएको छ । विजय शंकरले अष्ट्रेलियासँगको सिरीजमा सुरुवाती खेलमा राम्रो खेली रहेका छन् । मेरा विचारमा अलराउण्डरको रुपमा रविन्द्रको ठाउँमा विजय शंकरनै हकदार छन्, ‘ गांगुलीले संचारमाध्यम पीटीआईसँग भने।

गांगुलीका अनुसार महेन्द्र सिंह धोनीले राम्रो प्रर्दशन गरे उमेरका कारण नै विश्वकपपछि सन्न्यास लिनैपर्छ भन्ने पनि नरहेको बताए । गांगुलीले विश्वकपमा भारतीय तीव्र गतिको बलरमा क्रमश: जसप्रित बुमराह, मोहम्मद शामी, भुवनेश्वर कुमार र उमेश यादवलाई मौका दिनुपर्ने बताए । गांगुलीले ओपनिङ्ग जोडीका रुपमा रोहित शर्मा र शिखर धवनलाई नै खेलाउनु पर्ने विचार राखेका छन् ।

गांगुलीले ब्याटिङ क्रममा विराट कोहली तीन,अम्बाती रायुडु चार,महेन्द्रसिंह धोनी पाँच र केदार जाधव छैटौं नम्बरमा उतार्नु पर्ने बताए । भारतले दक्षिण अफ्रिकासँग जुन ५ मा खेल्दै विश्कपको सुरुवात गर्ने छ । यस पटक भारतलाई विश्वकपमा प्रमुख दावेदार मानिएको छ ।