एजेन्सी – नेपाली लेग स्पिनर सन्दीप लामिछाने कडा सुरक्षाका साथ पाकिस्तानको कराँचीमा पाकिस्तान सुपर लिग (पीएसएल) खेल्दै छन् ।

सन्दीपको टिम लाहोर कलन्दर्सले आज ईस्लामबाद युनाइटेडसँग खेल्दै छ । खेल नेपाली समय अनुसार बेलुका ७ः४५देखी कराँचीमा सुरु हुनेछ । पाकिस्तानमा उच्च सुरक्षा ब्यवस्था अपनाइएको छ । सन् २००९ मा श्रीलंका क्रिकेट खेलाडीमाथि बम प्रहार भएदेखी पाकिस्तानले युएईलाई आफ्नो घरेलु मैदान बनाउदै आएको छ ।

पछिल्लो दुई वर्ष यता पाकिस्तानले पाकिस्तानमै अन्तर्राष्ट्रियखेलहरु खेलाउन खोजि रहेको छ । सुरक्षाको कारण देखाउँदै पाकिस्तानमा क्रिकेट खेल्न अन्य देशहरु अस्विकार गर्दै आएका छन् । पाकिस्तानमा क्रिकेट खेल्न सुरक्षित छ भन्ने सन्देश दिन पाकिस्तानले पिएसएलका बाँकी खेल कराँचीमा गराउँन लागेको हो । गत वर्षको पिएसएलको फाइनल पनि पाकिस्तानमै भएको थियो । सन् २०१८ मा अप्रिलमा वेस्ट इन्डिजले पाकिस्तानमै ३ टी-२० सिरीज खेलेको थियो ।

यता सन्दीपको टिम लाहोरको अघिल्लो चरणको झिनो अंकगणीतिय संभावना मात्र बाँकी रहेको छ । ८ खेलमा ३ मा जित र ५ मा हारका साथ ६ अंक जोड्दै पाँचौ स्थानमा रहेको लाहोरले बाँकी दुबै खेल फराकिलो अन्तरले जित्न सके र अन्य टोलीको नतिजा आफु अनुकुल आएमा मात्र नाटकीय रुपमा अघिल्लो चरण प्रवेश गर्ने छ । अन्यथा समुह चरणबाटैबाहिरिने छ ।

त्यस्तै इस्लामबाद ९ खेलमा ४ मा जित र ५ मा हारका साथ ८ अंक जोड्दै तेस्रो स्थानमा छ । अघिल्लो चरण बलियो बनाउन इस्लामबादलाई पनि जित्न पर्ने दववा हुने छ । मोहम्मद सामी कप्तान रहेको इस्लामबादमा हुसेन ट्यालेट, जाहिर खान, सादव खान, लोकी रोन्ची, फहिम असरार्फ, आसिफ अलीजस्ता क्रिकेटर छन् ।

अघिल्लो खेलमा पेशावर जाल्मीसँग खराव प्रर्दशन गरेका सन्दीपले जारी पिएसएलमा ५ खेलमा १८.१ ओभर बलिङ गर्दै १० विकेट आफ्नो नाममा लेखाएका छन् । अन्तर्राष्ट्रिय फे्रन्चाइज लिगहरु खेल्न भ्याई नभ्याई रहेको सन्दीप पिएसएलपछि मार्च २३ देखी सुरु हुने आईपीएल खेल्न दिल्ली जाने छन् ।