एजेन्सी – भारतीय क्रिकेट टिमका उत्कृष्ट विकेटकीपर तथा फिनिसर महेन्द्रसिंह धोनीले अष्ट्रेलियासँगको बाँकी दुई खेल नखेल्ने भएका छन् ।

पाँच वान डे सिरीज अन्तर्गत शुक्रबार तेस्रो खेलमा भारत पराजित भएपछि बाँकी दुई खेलमा धोनीलाई विश्राम दिदै युवा खेलाडी ऋषभ पन्तलाई मौका दिन लागेको कप्तान विराट कोहलीले बताएका छन् । तेस्रो खेलमा कप्तान विराट कोहलीले १ सय २३ रन बनाउँदा पनि भारत पराजित भएपछि पछिल्ला दुई खेलमा खराब प्रर्दशन गरेका धोनीलाई आराम दिने कप्तान कोहलीले जनाएका छन् ।

राँचीको खेलनै धोनीको वान डे करियरमा भारतीय मैदानमा अन्तिम घरेलु खेल हुन सक्छ । भारतले यसपछि विश्वकप खेल्ने छ । धोनीले विश्वकपपछि सन्न्यास लिने उच्च संभावना छ । सन् २०१८ मा खराब प्रर्दशन गरेका धोनीले सन् २०१९ मा भने उत्कृष्ट प्रर्दशन गर्दै विश्वकपको लागि आफ्नो स्थान पक्का गरेका छन् । सन् २०१९ मा धोनीले ८ खेलमा ८१.७५ को औसतमा ३ सय २७ रन जोडी सकेका छन् । जसमा ४ अर्धशतक सामेल छ ।

अष्ट्रेलियासँगको जारी सिरीजमा पहिलो खेलमा अविजित ५९ रनको अविजित पारी खेल्दै खेल जिताएका धोनी दोस्रोमा डक र तेस्रो खेलमा २६ रनमा आउट हुन पुगे । भारत र अष्ट्रेलियाबीच चौथो आइतबार र अन्तिम तथा पाँचौ खेल मार्च १३ मा हुने छ । श्रृंखलामा भारत २-१ ले अघि छ ।