एजेन्सी – पाकिस्तान क्रिकेट बोर्ड (पीसीबी) ले भारतीय क्रिकेट बोर्ड (बीसीसीआई) लाई पाकिस्तान प्रिमियर लिग (पिएसएल) को फाइनल खेल हेर्न निमन्त्रणा पठाएको छ ।

पीसीवीका अध्यक्ष एहसान मनिले बिहीबार बीसीसीआईलाई मार्च १७ मा हुने पीएसएल फाइनल उपस्थित हुन निमन्त्रणा पठाएको इन्डिया टिभीले जनाएको छ । पछिल्लो तीन हप्ता यता भारत र पाकिस्तानबीच जम्मु कश्मीरको पुलवामामा भएको हमलापछि सम्बन्ध निकै बिग्रीएको बेला बिसीसीआईले निमन्त्रणा अस्विकार गरेको छ ।

पीसीबीले आईसीसीका अध्यक्ष शशांक मनोहर,बीसीसीआई कार्यवाहक अध्यक्ष सी के खन्ना तथा आईसीसी मुख्य कार्यकारी डेविड रिचर्डसनलाई फाइनल हेर्न पीसीबीले कराची बोलाएको थियो । मनोहर र खन्नाले अस्विकार गर्दा रिचड्सन भने फाइनल हेर्न कराची जाने भएका छन् । पिएसएल जारी छ । फाइनल खेल्ने टिमको टुंग्गो लाग्न बाँकी छ । नेपाली लेग स्पिनर सन्दीप लामिछानले लाहोर कलन्दर्सबाट पिएसएल खेली रहेका छन् ।

सन् २००९ मा श्रीलंका क्रिकेट खेलाडीमाथि भएको बम विस्फोटपछि पाकिस्तानमा अन्तर्राष्ट्रिय खेल गत वर्षमात्र भएको थियो । पाकिस्तानले यूएईलाई आफ्नो घरेलु मैदानको रुपमा प्रयोग गर्दै आएको छ । पिएसएलका बाँकी खेल अव पाकिस्तानमै हुने छन् । पाकिस्तान पिएसएल मार्फत पाकिस्तानमा क्रिकेट खेल्न सुरक्षित रहेको अन्तर्राष्ट्रिय समुदायलाई सन्देश दिन खोजिरहेको छ ।