काठमाडौं – क्रिकेट खेलाडी संघ नेपाल (सिप्यान) को चौथो वार्षिक साधरण सभा सम्पन्न भएको छ । खेलाडीहरुको हकहीत र कल्यायकारी कार्यकलाई थप प्रभावकारी बनाउन आवश्यक पहल गर्ने निर्णय गर्दै साधारण सभा आज सम्पन्न भएको हो ।

आर्थिक वर्ष २०७४-७५ को वार्षिक प्रगति प्रतिवेदन र तथा भावी योजना महासचिव पारस खड्का तथा वार्षिक आयव्यय विवरण कोषध्यक्ष पृथु बास्कोटाले प्रस्तुत गरेको प्रतिवेदन सभाले सर्वसम्मत रुपमा पारित पनि गरेको छ । सभाले यसअघि कार्यसमितिबाट राजिनामा दिएका सदस्यहरू दीपेन्द्र चौधरी र सुभाष खकुरेलको स्थानमा शक्ति गौचन र ज्योति पाण्डेलाई सर्वसम्मत रूपमा नियुक्त गर्यो ।

सभाले पूर्व खेलाडी वासुदेव थापालाई सिप्यानको तर्फबाट ५० हजार आर्थिक सहयोग गरेको छ । सभाका सभापति सिप्यानका अध्यक्ष मनिष राज पाण्डे, निवर्तमान अध्यक्ष पवन अग्रवाल, प्रमुख प्रशिक्षक जगत टमटा र अप्पार विनय कुमार झालगायतले मन्तव्य राखेका थिए ।

वि.सं २०७३ सालमा स्थापना भएको सिप्यानले नेपाली क्रिकेट खेलाडीको हक हितको लागि काम र आवज उठाउँदै आएको छ । मंगलबार मात्र सिप्यानले एनसीसीएस-सिप्यान क्रिकेट अवार्ड २०१९ आयोजना गर्दै वर्ष क्रिकेट खेलाडी पुरुषमा सन्दीप लामिछाने,वर्ष क्रिकेट खेलाडी महिलामा सिता राना मगर, वर्ष उदीयमान खेलाडीमा रोहित कुमार पौडेल, वर्षको उत्कृष्ट क्रिकेट क्षणका करण केसी र लाइफटाइम एचिभमेन्ट अवार्डबाट कमल पाण्डेलाई सम्मानित गरेको थियो ।