6 years ago
March 6, 2019
काठमाडौं (हाम्रो खेलकुद) – नेपाली राष्ट्रिय क्रिकेट टोलीका युवा खेलाडीद्वय रोहित कुमार पौडेल र आरिफ शेख नेपाल क्रेडिट एण्ड कमर्स बैंक लिमिटेड (एनसिसी) को ब्रान्ड एम्बासडरमा नियुक्त भएका छन् ।
बैंकले युवा खेलाडीद्वय रोहित र आरिफलाई दुई वर्षको लागि ब्रान्ड एम्बासडरमा नियुक्त गरेको हो । बैंकका तर्फबाट सञ्चालक समितिका अध्यक्ष उपेन्द्रकेशरी न्यौपाने र खेलाडीहरु स्वयंले हस्ताक्षर गर्दै सम्झौता पत्र आदान प्रदान गरे । सम्झौताअनुसार दुवै खेलाडीले मासिक २५ हजार रुपैयाँका दरले दुई वर्षमा ६ लाख रुपैयाँ पाउने छन् ।
रोहितको यो पहिलो अनुबन्ध हो । आरिफलाई भने एनआईसी बैंकले यसअघि दुई वर्षको अनुबन्ध गरेको थियो । रोहित र आरिफले पछिल्लो समय नेपाली राष्ट्रिय टोलीमा महत्त्वपूर्ण सदस्यको स्थान बनाएका छन् ।
नियुक्तिपछि आरिफ र रोहित दुवैले एनसीसी बैंकलाई धन्यवाद दिए । एभरेष्ट प्रिमियर लिग (ईपीएल) का प्रबन्ध निर्देशक आमिर अख्तरको पहलमा यी दुई खेलाडीलाई एनसीसी बैंकले ब्रान्ड एम्बासडरमा नियुक्त गरेको हो । नेपाली क्रिकेटका उदीयमान खेलाडीलाई बैंकसँग जोड्न पाउदा आफुहरु पनि खुसी भएको बैंकका प्रमुख कार्यकारी अधिकृत रमेशराज अर्यालले बताए ।
January 17, 2025
काठमाडौं(हाम्रो खेलकुद) – लुम्बिनी प्रदेशले प्रधानमन्त्री कप महिला टि ट्वान्टी राष्ट्रिय प्रतियोगितामा पहिलो जित हासिल गरेको छ । कैलाली धनगढीको फाप्ला क्रिकेट मैदानमा शुक्रवार भएको दोस्रो खेलमा लुम्बिनीले गण्डकी प्रदेशलाई ६ विकेटले हराएको हो । जितसँगै लुम्बिनीले सुपर फोरमा पुग्ने झिनो सम्भावना कायमै राखेको छ । तर त्यसका लागि आफूले जितेर मात्र पुग्दैन अरु खेलको […]
January 17, 2025
काठमाडौं(हाम्रो खेलकुद) – एन्फा यु १६ लिगमा आज भएको खेलमा चर्च ब्वाइज युनाइटेड र एपिएफ क्लब विजयी भएका छन् । सातदोबाटोस्थित एन्फा कम्प्लेक्समा शुक्रवार भएको पहिलो खेलमा चर्च ब्वाइजले हिमालयन शेर्पा क्लबलाई ४-१ ले हराएको हो। दोस्रो खेलमा एपिएफले एफसी खुमलटारलाई ३-० ले पराजित गरेको हो ।
January 17, 2025
काठमाडौं(हाम्रो खेलकुद) – प्रधानमन्त्री कप महिला टि ट्वान्टी राष्ट्रिय प्रतियोगितामा सुदूरपश्चिम प्रदेश ९ बलमा नै विजयी भएको छ । धनगढीको फाप्ला क्रिकेट मैदानमा शुक्रवार कर्णाली प्रदेशले दिएको लक्ष्य सुदूरपश्चिमले दोस्रो ओभरको तेस्रो बलमा पूरा गरेको हो । हिजो वर्षाका कारण आउट फिल्डमा पानी जमेका कारण खेल ढिला सुरु भएको थियो । ढिला सुरु भएका कारण […]
