एजेन्सी – एन्डी बलबिरनीले सानदार शतक प्रहार गरेपछि अफगानिस्तानसँगको तेस्रो एक दिवसिय खेलमा आयरल्यान्ड ४ विकेटले विजयी भएको छ । २ सय ५७ रनको लक्ष्य आयरल्यान्डले ४९ ओभरमा ६ विकेट गुमाउँदै २ सय ६० रन बनायो ।

आयरल्यान्डलाई जिताउन एन्डीले १ सय ३६ बलमा समान ८ छक्का र चौका प्रहार गर्दै १ सय ४५ रनमा अविजित रहे । आयरल्यान्डका अन्य जर्ज डोकरेल ५४ ,पल स्टरलिङ्ग २०,कभिन ओ ब्रायनले २१ रनको योगदान दिए । अफगानिस्तानका लागि दावलत जर्डनले २,मोहम्मद नाविद,राशिद खान,मुजिब उर रहमान र सामीउल्लाह शेनवारीले समान एक एक विकेट लिए ।

त्यस अघि टस जितेर पहिला ब्याटिङ थालेको अफगानिस्तानले निर्धारित ५० ओभरमा ८ विकेट गुमाउँदै २ सय ५६ रन बनाएको थियो । अफगानिस्तानका नाजिबउल्लाह जादरानले ९८ बलमा समान ५ छक्का र चौका प्रहार गर्दै १ सय ४ रन बनाएपनि टोलीको हार टार्न सकेनन् । कप्तान अस्गर अफघानले १ सय ९ बलमा ३ छक्का र ४ चौका प्रहार गर्दै ७५ रन बटुले । त्यस्तै हज्रतुल्लाह जजाई ३४ र हशमतुल्ला शाहिदीले ११ रन बनाउन बाहेक अन्यले दोहोरो अंकमा रन छुन सकेनन् । आयरल्यान्डका लागि बोयर रनकिन र टिम मुर्तगले समान दुई तथा जर्ज डोकरेल,जेम्स क्यामरन डोव र एन्डी म्याकब्रिनले समान एक-एक विकेट हात पारे । योसँगै पाँच ओडीआई श्रृंखला १-१ को बराबरीमा पुगेको छ । पहिलो खेलमा अफगानिस्तान ५ विकेटले विजयी हुँदा दोस्रो खेल वर्षाको कारण रद्ध भएको थियो । चौथो खेल आगमी शुक्रबार हुने छ ।