चन्डिगढ- पार्थिव पटले र अम्बाटी रायडुको शतकिय साझेदारी तथा बलरहरुको किफायती बलिड्बाट प्रेरित मुम्बई इन्डियन्सले सोमबार इन्डियन प्रिमियर लिगमा किड्स ११ पञ्जाबलाई २५ रनले हराएको छ ।

मुम्बई इन्डियन्सका अम्बाटी रायडुलाई अर्धशतक पुरा गरेपछि बधाई दिदै पार्थिव पटेल (दायाँ) ।

टस हारेर पाएको ब्याटिड्को मौकालाई पुरापुर उपयोग गर्ने क्रममा पटेल र रायडुले दोस्रो विकेटका लागि १ सय ३७ रनको साझेदारी गरेपछि मुम्बईले ६ विकेटको क्षेतिमा १ सय ८९ रन बनाएको थियो । जवाफमा पञ्जाबले २० ओभरमा ७ विकेट गुमाएर १ सइ ६४ रन मात्र बनाउ सक्यो । पञ्जाबलाई लक्ष्यमा पुग्न नदिनेमा जसप्रित बुमरा, मिचेल म्याक्लिघान र टिम साउथीको महत्वपूर्ण भुमिका रह्यो । ४ ओरमा बुमराले ३ तथा म्याक्लिघान र साउथीले समान २ विकेट लिए । पञ्जावका लागि ग्लेन म्याक्सवेलले अर्धशतक पुरा गरे । ३९ बलमा उनले ५ चौका र १ छक्कासहित ५६ रन बनाए । सन मार्सले ४५, डेभिड मिलरले ३० तथा मुरली विजयले १९ रन बनाए । अन्य ब्याट्सम्यानले दोहोरो संख्याको रनमा पुग्न सकेनन् ।
त्यसअघि कप्तान समेत रहेका रोहित शर्मा (०) पहिलो ओभरमै आउट भएपनि अर्का ओपनर पटेल र रायडुले पारी सम्हालेका थिए । पटेल र रायडु दुवैले अर्धशतक पुरा गरे । ५८ बलमा म्यान अफ दी म्याच समेत बनेका पटेलले १० चौका र २ छक्काको मद्दतमा सर्वाधिक ८१ रन बनाए । रायडुले ३७ बलमा ४ चौका र त्यत्तिनै छक्कामा ६५ रन बनाए । जोस बटलरले २४ र किरोन पोलार्डले १० रन बनाए । मुम्बई ६ अंकका साथ पाँचौ स्थानमा उक्लेको छ । ६ अंककै दिल्ली डेर डेभिल्स तेस्रो र सनराइजर्स हैदरावाद चौथो स्थानमा छ । समान ८ अंक बटुलेका कोलकाता नाइट राइडर्स शीर्ष र गुजराज लायन्स दोस्रो स्थानमा छ । पञ्जाब २ अंकका साथ पुछारमा छ । २ अंककै राइजिड् पुने सुपर जाइन्ट्स सातौं तथा रोलय च्यालेन्जर्स बैंगलोर (४) छैटौं स्थानमा छ । आइपिएलमा हैदरावाद र पुनेबीच प्रतिस्पर्धा हुनेछ ।