काठमाडौं- अन्तराष्ट्रिय क्रिकेट परिषद् (आइसिसी)ले नेपाल क्रिकेट संघ (क्यान) लाई निलम्बन गरेपनि नेपाली क्रिकेट टोलीले भने अन्तराष्ट्रिय क्रिकेट खेल्न पाउने बताइएको छ । आन्तरिक विवादमा रुमलिएको नेपाली क्रिकेटको सर्वोच्च निकायमा सरकारी हस्तक्षेप भएको उल्लेख गर्दै आइसिसीले क्यानलाई निलम्बन गरेको थियो ।

हाल नेपाली क्रिकेट टोलीले८ राष्ट् सम्मिलित आइसिसी विश्व क्रिकेट लिग च्याम्पियनसिपमा भाग लिइ रहेको छ । सोही च्याम्पियनसिपअन्तर्गत कीर्तिपुरमा बैशाख ४ र ६ नामिबियाविरुद्धका दुवै खेल नेपालले जितेको थियो । त्यहि खेलका दौरान निर्वाचित र राखेपले गठन गरेको तदर्थ दुवैलाई वेवास्ता गर्दै आइसिसीले राखेपसँगको सहकार्य भन्दै आफै आयोजना गरेको थियो । त्यहा देखि नै आइसिसी क्यानप्रति अनुदार रहँदै आएको थियो । निर्वाचित र तदर्थ गरि दुई अलग अलग अस्तित्व र सर्वोच्च अदालतमा आधिकारिताको विवाद विचाराधिन रहेकोले पनि आइसिसीले क्यानमाथि कारवाही गरेको छ ।
विश्व क्रिकेट लिग च्याम्पियिनसिप अन्तर्गत नेपालले स्कल्यान्ड र पपुवा न्युगिनीसँगका ४ खेल गुमाइसकेको थियो । च्याम्पियनसिपमा अझै नेपालले ८ खेल खेल्न बाँकी छ ।
नेपाल क्रिकेटको दिगो विकास र तत्कालको प्रशासनिका कामका लागि नेपाली क्रिकेट समूदाय र अन्य सरोकाराहरुसँग सहकार्य गर्दै अघि बढ्ने पनि आइसिसीले प्रष्ट पारेको छ ।