6 years ago
February 24, 2019
काठमाडौं (हाम्रो खेलकुद) – चैत १ गतेबाट विराटनगरमा आयोजना हुने एनसिएल वुमन्स टी–२० क्रिकेट लिगका लागि खेलाडी दर्ता प्रक्रिया शुरु भएको छ । आयोजक एनसिएलले अक्सनका लागि खेलाडी दर्ता प्रक्रिया शनिबारबाट शुरु भएको जानकारी गराएको छ ।
खेलाडी दर्ता प्रक्रिया १० फागुनबाट १८ फागुनसम्म जारी रहनेछ । खेलाडी दर्ताका लागि एनसिएल स्पोर्ट्स प्रालिको आधिकारिक वेबसाईट https://www.nclt20.com/ मार्फत ५ सय १ रुपैया दर्ता शुल्क इसेवामार्फत बुझाएर दर्ता गर्न सक्नेछ ।
दर्ता भएका खेलाडीहरु अक्सनबाट चार टिममा बाडिनेछ । खेलाडी दर्ताका लागि तीन क्याटगोरी छुट्याइएको छ ।
पछिल्लो २ वर्षदेखि राष्ट्रिय टिममा रहेका सम्पुर्ण महिला खेलाडीहरु ग्रेड ‘ए’ मा रहनेछन् । जसको न्युनतम मूल्य २५ हजार रूपैया रहनेछ ।
पछिल्लो २ वर्षदेखि राष्ट्रिय टिममा नरहेका महिला खेलाडीहरु, क्याम्पमा पर्न सफल खेलाडीहरु, पुर्व राष्ट्रिय खेलाडीहरु र यु–१९ राष्ट्रिय टिमका महिला खेलाडीहरु ग्रेड ‘बी’ मा रहनेछन् । जसको न्युनतम मूल्य १५ हजार रूपैया रहनेछ ।
क्षेत्रीय एवम् जिल्ला स्तरीय खेलाडीहरु साथै विभिन्न क्लब लेबलका खेलाडीहरु ग्रेड ‘सी’ यो समुहमा रहनेछन् । जसको न्युनतम मूल्य १० हजार रुपैया रहनेछ ।
लिगमा ४ सहरका ४ फ्रेन्चाइज्ड टोलीको सहभागिता रहनेछ । प्रतियोगितामा हरेक फ्रेन्चाइज्ड टोलीले अक्सन मार्फत खेलाडी छनोट गर्नेछन् ।
पुरुषको क्रिकेटसँगै महिला क्रिकेटलाई पनि अघि बढाउनु पर्ने उद्देश्यका साथ एनसिएल स्पोर्ट्स प्रालिले ‘एनसिएल वुमन्स टी–२० क्रिकेट लिग’ को आयोजना हुने प्रतियोगिता चैत्र १–९ सम्म विराटनगरको बैजनाथ क्रिकेट मैदानमा हुनेछ ।
February 24, 2025
एजेन्सी – भारतीय क्रिकेट टोलीका पूर्व कप्तान विराट कोहलीले महान् क्रिकेटर सचिन तेन्दुल्करको कीर्तिमान तोडेका छन् । कोहलीले आइतवार पाकिस्तानविरुद्धको च्याम्पियन्स ट्रफी खेल दौरान सबैभन्दा कम इनिङमा १४ हजार ओडिआई रन बनाउने सचिनको कीर्तिमान तोडेका हुन् । कोहलीले २ सय ८७ इनिङमा १४ हजार रन पूरा गर्ने कीर्तिमान बनाएका हुन् । यसअघि सचिनले ३ सय […]
February 23, 2025
एजेन्सी – विराट कोहलीको शतक सहयोगमा भारतले डिफेन्डिङ च्याम्पियन पाकिस्तानमाथि च्याम्पियन्स ट्रफीको दोस्रो खेलमा जित हासिल गरेको छ । च्याम्पियन्स ट्रफीमा लगातार दोस्रो जित हासिल गर्ने क्रममा भारतले आइतवार भएको खेलमा पाकिस्तानलाई ६ विकेटले पराजित गरेको हो । पाकिस्तानले दिएको २ सय ४२ रनको मध्यम लक्ष्य भारतले ४२.३ ओभरमा ४ विकेट गुमाएर पूरा गर्यो । […]
February 23, 2025
एजेन्सी – च्याम्पियन्स ट्रफीको डिफेन्डिङ च्याम्पियन पाकिस्तानले भारतविरुद्ध सामान्य योगफल तयार गरेको छ । युएईमा जारी खेलमा पाकिस्तानले भारतविरुद्ध २ सय ४१ रनको मध्यम योगफल तयार गरेको हो । भारतले पाकिस्तान जान अस्विकार गरेपछि उसको सबै खेल युएईमा भईरहेको छ । युएईस्थित दुबई अन्तर्राष्ट्रिय क्रिकेट स्टेडियममा टस जितेर पहिले ब्याटिङ गरेको पाकिस्तान ४९.४ ओभरमा २ […]
