default_image

6 years ago

February 21, 2019

१ रनको रोमान्चक जित निकाल्दै महेन्द्रनगर क्वालिफायरमा

102 views

0 Bookmark

धनगढी – महेन्द्रनगर युनाइटेड रोमान्चक जित निकाल्दै तेस्रो संस्करणको रुस्लान धनगढी प्रिमियर लिग (डिपिएल)को को क्वालिफायरमा प्रवेश गरेको छ । आज भएको एलिमिनेटर खेलमा रुपन्देहीलाई १ रनले पराजित गर्दै क्वालिफायरका काठमाडौं गोल्डेन्ससँगको भेट पक्का गरेको हो ।

शुक्रबार काठमाडौं र महेन्द्रनगरबीचको खेलको विजेताले उपाधिको लागि फागुन ११ मा सिवाईसी अत्तरियासँग भिड्ने छ । १ सय १६ रनको लक्ष्य पक्ष्याएको रुपन्देहीले २० ओभरमा ९ विकेटको क्षतिमा १ सय १४ रनमा समेटियो । अभिनास बोहोराले ५ रन चाहिएको अवस्थामा ३ रन मात्र दिएपछि महेन्द्रनगरको रोमान्चक जित सम्भव भएको हो ।

अन्तिम बलमा जितको लागि ५ रन चाहिएको थियो । अभिनासले पहिलो डट,दोस्रो १,तेस्रो डट,चौथोमा प्रदीप ऐरी रन आउट,पाँचौमा विक्रम शोव क्याच आउट, १ रन दिदै बसन्तलाई रन आउट गराएपछि महेन्द्रनगरले १ रनको जित पक्का गरेको हो । रुपन्देहीका प्रदीप ऐरीले २० बलमा ४ चौका सहित २८ रन जोडे ।

विनोद भण्डारीले २१ बलमा समान १ चौका र छक्का प्रहार गर्दै २३ रनमा आउट भए । पहिलो विकेटका रुपमा रुपन्देहीले पाँचौ ओभरको दोस्रो बलमा रन आउटको रुपमा सन्दीप सुनारलाई ब्यक्तिगत १४ रनमा गुमाएको थियो । सुनारले १३ बलमा २ चौका प्रहार गरे । १० औं ओभरको पाँचौ बलमा अभिनास बोहोराले बाबर हायतलाई २८ रनमा बोल्ड आउट गरे ।

बाबरले २९ बलमा २ चौका र १ छक्क प्रहार गरे । लगतै ११ ओभरको पाँचौ बलमा सुमित महर्जन १० रनमा क्याच हुन पुगे । पुनित मेहरा १४ ओभरको पहिलो बलमा ६ रनमा रन आउट हुन पुगे । लगतै यसै ओभरको चौथो बलमा भिम सार्कीलाई मोहम्मद नाविदले शून्यमा एलपी डब्लू आउट गरेपछि रुपन्देही दवावमा परेको थियो ।

छैटौं विकेटका लागि विनोद भण्डारी र प्रदीप ऐरीले ३७ रनको साझेदारीगरेपछि रुपन्देहीको जितको आसा पलाएको थियो । महेन्द्रनगरका लागि अभिनास बोहोराले ४ ओभरमा १३ रन खर्चेर २ विकेट लिए ।

मोहम्मद नाविद,सागर ढकाल, सिद्धान्त लोहनीले समान एक एक विकेट लिए । त्यस अघि प्रस्तावित अन्तर्राष्ट्रिय फाप्ला क्रिकेट मैदानमा टस जितेर पहिला ब्याटिङ थालेको महेन्द्रनगर युनाइटेडले निर्धारित २० ओभरमा ९ विकेटको क्षतिमा १ सय १५ रन बनाउन सक्यो ।

महेन्द्रनगरका लागि कप्तान शरद भेषवाकर ३८ बलमा २ चौका सहित २९ रनमा अविजित रहे । त्यस्तै अन्तिम तिर अंमरसिंह राउटेलाले २० बलमा १ छक्का र १ चौका प्रहार गर्दै रन १९ जोडे । भारतीय खेलाडी आनन्दले २० रन बनाए ।

आनन्दले १३ बलमा ३ चौका र १ छक्का प्रहार गरे । पहिलो ओभरको दोस्रो बलमै ओपनर दीलिप नाथलाई शुन्यमा गुमाएको थियो । दीलिपलाई ललितसिंह भण्डारीले सन्दीप सुनारबाट क्याच गराए । चौथो ओभरको तेस्रो बलमा मोहम्मद नाविदलाई बसन्त रेग्मिले विकेटकीपर विनोद भण्डारीबाट १८ रनमा क्याच गराउँदै पेभिलिएनको बाटो देखाए । नाविदले १५ बलमा २ छक्का प्रहार गरे ।

पुनित मेहराले ११ ओभरको पहिलो बलमा आरिफ शेख,तेस्रो बलमा रोहित कुमार पौडेल र अन्तिम बलमा सिद्धान्त लोहनीलाई क्याच आउट गराएपछि रुपन्देही खेलमा फर्किएको थियो । जुन समय महेन्द्रनगर ६६-६ को को कमजोर अवस्थामा पुगेको थियो ।

आरिफ ११,रोहित २ र सिद्धान्त डक आउट भए । सातौं विकेटका लागि कप्तान शरद भेषवाकरले अमरसिंह राउटेलासँग ३९ रनको साझेदारी गर्दै सम्मानजक लक्ष्य सम्म पुर्याए । अभिनास बोहोरा ११ रनमा आउट भए । रुपन्देहीका ललितसिंह भण्डारीले ४ ओभरमा २८ रन खर्चेर ४ विकेट लए । पुनित मेहराले ४ ओभरमा २६ रन खर्चेर ३ विकेट लिए ।बसन्त रेग्मिले २ विकेट लिए ।

March 17, 2025

ललितको ५ विकेटमा पुलिसको लगातार पाँचौ जित

काठमाडौं(हाम्रो खेलकुद) – ललितनारायण राजवंशीको ५ विकेटमा साबिक विजेता नेपाल पुलिस क्लब प्रधानमन्त्री(पिएम) कप पुरुष एकदिवसीय राष्ट्रिय प्रतियोगितामा लगातार पाँचौ जित हात पारेको छ । सोमवार प्रतियोगितामा लगातार पाँचौं जित हात पार्ने क्रममा पुलिसले सुदूरपश्चिम प्रदेशलाई ६१ रनले पराजित गरेको हो । पुलिसले दिएको १ सय ६१ रनको लक्ष्य पछ्याएको सुदूरपश्चिम २८.३ ओभरमा ९९ रनमा […]

March 17, 2025

पिएम कप – मधेशमाथि लुम्बिनीको जित

काठमाडौं(हाम्रो खेलकुद) – लुम्बिनी प्रदेशले प्रधानमन्त्री(पिएम) कप पुरुष एकदिवसीय राष्ट्रिय प्रतियोगितामा मधेश प्रदेशविरुद्ध जित निकालेको छ । सोमवार दाङमा भएको खेलमा लुम्बिनीले मधेशमाथि ८३ रनको जित हात पारेको हो । लुम्बिनीले दिएको १ सय ५९ रनको मध्यम लक्ष्य पछ्याएको मधेश २६.५ ओभरमा ७५ रनमा समेटियो । मधेशका लागि दीपेश दासले सर्वाधिक २३ रन जोडे । […]

March 17, 2025

मधेशविरुद्ध लुम्बिनीको मध्यम योगफल

काठमाडौं(हाम्रो खेलकुद) – लुम्बिनी प्रदेशले प्रधानमन्त्री(पिएम) कप पुरुष एकदिवसीय राष्ट्रिय प्रतियोगितामा मधेश प्रदेशविरुद्ध मध्यम योगफल तयार गरेको छ । दाङमा जारी खेलमा लुम्बिनीले १ सय ५९ रनको मध्यम लक्ष्य तयार गरेको हो । लमही क्रिकेट मैदानमा टस हारेर ब्याटिङको निम्तो पाएको लुम्बिनी प्रदेश ४६ ओभरमा १ सय ५८ रनको मध्यम योगफलमा समेटिएको हो । लुम्बिनीका […]

Success

Thank you for your time.