6 years ago
February 19, 2019
काठमाडौं (हाम्रो खेलकुद) – क्रिकेट खेलाडी संघ नेपाल (सिप्यान) ले आयोजना गर्न लागेको एनसीसीएस–सिप्यान क्रिकेट अवार्ड अन्तरगत वर्षको उत्कृष्ट क्षण अवार्डका लागि विभिन्न १० क्षणहरु सार्वजनिक गरेको छ ।
सिप्यानले अवार्डका लागि मंगलबार खेलाडी र टिमले गरेको प्रदर्शनको मुल्याङ्कनलाई आधार मानेर विभिन्न १० उत्कृष्ट क्षणहरु सार्वजनिक गरेको हो । यसै १० क्षणमध्ये सर्वाधिक मत पाउने क्षणले उत्कृष्ट क्षणको अवार्ड हात पार्नेछ ।
अवार्ड २२ फागुनमा हुदैछ । उत्कृष्ट क्षणको विधासँगै वर्ष पुरुष खेलाडी, वर्ष महिला खेलाडी, वर्ष उदियमान खेलाडी र लाइफटाइम अचिभमेन्ट अवार्ड कार्यक्रम हुनेछ ।
मनोनयनमा परेका १० उत्कृष्ट क्षण
करण केसी
गत वर्ष नामिबियामा भएको डिभिजन–२ मा क्यानाडाविरुद्ध जित दिलाउन उत्कृष्ट ब्याटिङ । त्यही जितसँगै नेपालले एकदिवसीय अन्तर्राष्ट्रिय मान्यता पाएको थियो ।
पारस खड्का
गत महिना संयुक्त अरब इमिरेट्स (युएईं) विरुद्धको समान ३ खेलको एकदिवसीय र टी–२० सिरिज अन्तरगतको ओडिआईमा शतक बनाउने पहिलो नेपाली खेलाडी । युएई भ्रमणमा नेपालले एकदिवसीय र टी–२० सिरिज जितेर ऐतिहासिक सफलता हात पार्दाको कप्तान ।
सन्दीप लामिछाने
सन्दीप अन्तराष्ट्रिय फ्रेन्चाईज क्रिकेट प्रतियोगिता खेल्ने पहिलो नेपाली खेलाडी । इण्डियन प्रिमियर लिग (आईपीएल) देखि सिपिएल, बिगबास, क्यानाडाको ग्लोबल टी–ट्वान्टीमा अफगानिस्तान प्रिमियर लिग, बंगलादेश प्रिमियर लिग र पाकिस्तान सुपरलिगसम्म सम्मको यात्रा । सबै खेलहरुमा उच्च प्रदर्शन ।
दिपेन्द्र सिंह ऐरी
गत वर्ष जिम्बावेमा भएको विश्वकप छनोटमा नेपाललाई एकदिवसीय मान्यता दिलाउन पपुवा न्युगिनीसँग उत्कृष्ट इनिङ्स । नेपाललाई जित दिलाउन दिपेन्द्रले ४ ओभर २ बलमा १४ रन खर्चेर ४ विकेट । ब्याटिङतर्फ अविजित अर्धशतकिय इनिङ्स ।
ज्ञानेन्द्र मल्ल
संयुक्त अरब इमिरेट्स (युएईं) विरुद्धको समान ३ खेलको एकदिवसीय र टी–२० सिरिज अन्तरगतको अन्तिम टी–२० मा अविश्वनीय ३ क्याच लिदै नेपाललाई जित दिलाएको हो ।
रोहित कुमार पौडेल
युएइं विरुद्धको एकदिवसीय र टी–२० सिरिज अन्तरगत ओडीआईमा अर्धशतक प्रहार गर्दै एकदिवसीय अन्तराष्ट्रिय क्रिकेटमा अर्धशतक बनाउने संसारकै कान्छा खेलाडीको कीर्तिमान बनाउन सफल । रोहितद्धारा भारतका लिजेण्ड सचिन तेन्दुलकर र पाकिस्तानका साहिद अफ्रिदीको कीर्तिमान भंग ।
राष्ट्रिय महिला टोली
गत महिना थाइल्याण्डमा सम्पन्न थाइल्याण्ड टी–२० स्मासमा उपविजेता बन्यो । जुन नेपाली महिला टोलीले १२ वर्षपछि पहिलोपटक अन्तराष्ट्रिय प्रतियोगिताको पाएको ठुलो सफलता
रुबिना क्षेत्री
थाइल्याण्डमा सम्पन्न थाइल्याण्ड टी–ट्वान्टी स्यास नेपाललाई उपविजेता बनाउन कप्तान रुबिनाले उत्कृष्ट प्रदर्शन ।
सोमपाल कामी
युएईविरुद्धको सिरिजमा नेपालले ऐतिहासिक सफलता हात पार्दा सोमपालको उत्कृष्ट प्रदर्शन । एक दिवसीयको एकै खेलमा ५ विकेट लिने नेपाली खेलाडी ।
सन्दीप जोरा
युएईविरुद्धको टी–२० सिरिजमा डेब्यु । डेब्यु खेलमै अर्धशतक प्रहार अर्धशतक बनाउने संसारकै कान्छा खेलाडी बन्न सफल ।
February 23, 2025
एजेन्सी – विराट कोहलीको शतक सहयोगमा भारतले डिफेन्डिङ च्याम्पियन पाकिस्तानमाथि च्याम्पियन्स ट्रफीको दोस्रो खेलमा जित हासिल गरेको छ । च्याम्पियन्स ट्रफीमा लगातार दोस्रो जित हासिल गर्ने क्रममा भारतले आइतवार भएको खेलमा पाकिस्तानलाई ६ विकेटले पराजित गरेको हो । पाकिस्तानले दिएको २ सय ४२ रनको मध्यम लक्ष्य भारतले ४२.३ ओभरमा ४ विकेट गुमाएर पूरा गर्यो । […]
February 23, 2025
एजेन्सी – च्याम्पियन्स ट्रफीको डिफेन्डिङ च्याम्पियन पाकिस्तानले भारतविरुद्ध सामान्य योगफल तयार गरेको छ । युएईमा जारी खेलमा पाकिस्तानले भारतविरुद्ध २ सय ४१ रनको मध्यम योगफल तयार गरेको हो । भारतले पाकिस्तान जान अस्विकार गरेपछि उसको सबै खेल युएईमा भईरहेको छ । युएईस्थित दुबई अन्तर्राष्ट्रिय क्रिकेट स्टेडियममा टस जितेर पहिले ब्याटिङ गरेको पाकिस्तान ४९.४ ओभरमा २ […]
February 23, 2025
एजेन्सी – च्याम्पियन्स ट्रफीको आयोजक पाकिस्तानले भारतविरुद्ध टस जितेको छ । युएईको दुबई अन्तर्राष्ट्रिय क्रिकेट स्टेडियममा पाकिस्तानका कप्तान मोहम्मद रिजवानले टस जितेर ब्याटिङ रोजेका हुन् । भारतले पाकिस्तानमा खेल्न अस्विकार गरेपछि उसका सबै खेल युएईमा भइरहेको छ । पाकिस्तानले गत संस्करणको फाइनलमा भारतलाई नै पराजित गरेको थियो । पाकिस्तान १ सय ८० रनको जित निकाल्दै […]
