एजेन्सी – नेपाली लेग स्पिनर सन्दीप लामिछानेको टिम मेलवर्न स्टार्सले विग ब्यासको फाइनल खेलमा नाटकीय हार ब्योहोरेको छ ।

आइतबार फाइनल खेलमा स्टार्स मेलवर्न रेडेगर्ससँग १३ रनले पराजित भएको छ । १ सय ४६ रनको लक्ष्य पक्ष्याउने क्रममा स्टार्सले २० ओभरमा ७ विकेटको क्षतिमा १ सय ३२ रन मात्र बनाउन सक्यो । कुनै समय ओपनर मार्कस स्टोइनिस र बेन डंकले १३ ओभरमा ९३ रनको साझेदारी गर्दै जित नजिक पुर्याएका थिए । ९३-१ को अवस्थामा रहेको स्टार्स १८ ओभरमा ११२-७ क को अवस्थामा पुगेको थियो ।

५ ओभरमा १९ रन जोड्न ६ विकेट गुमाएपछि स्टार्स उपाधि जित्न चुकेको हो । स्टोइनिसले ३८ बलमा २ चौका र १ छक्का प्रहार गर्दै ३९ रन जोडे । त्यस्तै बेनले ४५ बलमा ४ चौका र १ छक्का प्रहार गर्दै ५७ रन बनाउन बाहेक अन्य कुनै पनि ब्याट्समयानले सम्झन योग्य प्रर्दशन गर्न सकेनन् । एडम जाम्पा १७ रनमा अविजित रहे । रेनेगेड्सकालागि क्रिस,डायनियल क्रिस्टिय र क्यामरन ब्वाइस समान दुई विकेट हात पारे ।

त्यस अघि टस हारेर पहिला बलिङ थालेको मेलवर्न रेनेगड्सले निर्धारित २० ओभरमा ५ विकेटको क्षतिमा १ सय ४५ रन बनाएको थियो । खराव सुरुवात गरेको रेनेगड्सका लागि डानियल क्रिष्टियन र टम कपुरले अविजित ८० रनको साझेदारी गर्दै सम्मानजनक लक्ष्यसम्म पुर्याए । कपुरले ३५ बलमा समान २ चौका र छक्का प्रहार गर्दै ४३ रनमा अविजित रहे ।

त्यस्तै क्रिष्टियनले ३० बलमा २ चौका र १ छक्काको सहयोगमा ३८ रनमा नट आउट रहँदै इनिङ उकासे । अन्य ब्याट्सम्यानले खासै राम्रो प्रर्दशन गर्न सकेनन् । मेलवन स्टासका लागि जक्सन बर्ड र एडम जाम्पाले समान दुई दुई विकेट लिए । सन्दीपले ४ ओभरमा १६ रन खर्चिदा कुनै विकेट लिन सकेनन् । सन्दीपले यस सिजनको विग ब्यासमा ८ खेल खेल्दै ११ विकेट आफ्नोे नाममा लेखाए ।