6 years ago
February 9, 2019
काठमाडौं (हाम्रो खेलकुद) – नेपाली राष्ट्रिय क्रिकेट टोलीका खेलाडी लामो समयपछि रोकिएको तलब पाउने भएका छन् । राष्ट्रिय खेलकुद परिषद (राखेप) को पहलपछि खेलाडीले एकमुष्ट २ वर्षको पारिश्रमिक पाउन लागेका हुन् ।
अन्तर्राष्ट्रिय क्रिकेट परिषद (आईसीसी) ले खेलाडीको तलबका लागि १ करोड २७ लाख ८७ हजार ७ सय ८२ रुपैयाँ राखेपको खातामा पठाएको छ । खातामा शनिबार रकम जम्मा भइसकेको उल्लेख गर्दै राखेपका प्रेस सल्लाहकार रोहित दाहालले सदस्य सचिव केशवकुमार विष्ट जिल्लाबाट फर्केपछि रकम वितरण गरिने बताएका छन् । उनले भने ,’अर्को साता रकम बितरण गर्ने सम्भावना छ । ‘
राष्ट्रिय टोलीमा रहेका खेलाडीको वर्गिकरणका आधारमा आईसीसीले सन् २०१७ र २०१८ रकम निकासा गरेको हो । टोलीमा रहेका खेलाडी तीन श्रेणीमा विभाजित छन् । ए श्रेणीका खेलाडीले मासिक ३५ हजार, बी श्रेणीका ले २५ हजार तथा सी श्रेणीका खेलाडीले मासिक १५ हजार रुपैयाँ पाउनेछन् ।
झन्डै एक वर्ष अघि नेपालले एक दिवसिय राष्ट्रको मान्यता पाएकोले खेलाडीको पारिश्रमिक अहिलेको भन्दा बढाउनका लागि राखेपले आईसीसीसँग पहल गर्ने राखेप प्रेस सल्लाहकार दाहालले हाम्रो खेलकुदलाई बताए ।
राष्ट्रिय टोलीका खेलाडीको वर्गिकरण
ए श्रेणी – कप्तान पारस खड्का, उपकप्तान ज्ञानेन्द्र मल्ल, सन्दीप लामिछाने, शरद भेषावकर, वसन्त रेग्मी, सोमपाल कामी, दीपेन्द्रसिंह ऐरी
बी श्रेणी – शक्ति गौचन, करण केसी, ललित भण्डारी, रोहितकुमार पौडेल, ललितनारायण राजवंशी, आरिफ शेख, अनिलकुमार शाह
सी श्रेणी – विनोद भण्डारी, सुशन भारी, किशोर महतो, सुवास खकुरेल, सागर पुन, दिलीपनाथ, सुनील धमला
February 23, 2025
एजेन्सी – विराट कोहलीको शतक सहयोगमा भारतले डिफेन्डिङ च्याम्पियन पाकिस्तानमाथि च्याम्पियन्स ट्रफीको दोस्रो खेलमा जित हासिल गरेको छ । च्याम्पियन्स ट्रफीमा लगातार दोस्रो जित हासिल गर्ने क्रममा भारतले आइतवार भएको खेलमा पाकिस्तानलाई ६ विकेटले पराजित गरेको हो । पाकिस्तानले दिएको २ सय ४२ रनको मध्यम लक्ष्य भारतले ४२.३ ओभरमा ४ विकेट गुमाएर पूरा गर्यो । […]
February 23, 2025
एजेन्सी – च्याम्पियन्स ट्रफीको डिफेन्डिङ च्याम्पियन पाकिस्तानले भारतविरुद्ध सामान्य योगफल तयार गरेको छ । युएईमा जारी खेलमा पाकिस्तानले भारतविरुद्ध २ सय ४१ रनको मध्यम योगफल तयार गरेको हो । भारतले पाकिस्तान जान अस्विकार गरेपछि उसको सबै खेल युएईमा भईरहेको छ । युएईस्थित दुबई अन्तर्राष्ट्रिय क्रिकेट स्टेडियममा टस जितेर पहिले ब्याटिङ गरेको पाकिस्तान ४९.४ ओभरमा २ […]
February 23, 2025
एजेन्सी – च्याम्पियन्स ट्रफीको आयोजक पाकिस्तानले भारतविरुद्ध टस जितेको छ । युएईको दुबई अन्तर्राष्ट्रिय क्रिकेट स्टेडियममा पाकिस्तानका कप्तान मोहम्मद रिजवानले टस जितेर ब्याटिङ रोजेका हुन् । भारतले पाकिस्तानमा खेल्न अस्विकार गरेपछि उसका सबै खेल युएईमा भइरहेको छ । पाकिस्तानले गत संस्करणको फाइनलमा भारतलाई नै पराजित गरेको थियो । पाकिस्तान १ सय ८० रनको जित निकाल्दै […]
