काठमाडौं (हाम्रो खेलकुद) – रुस्लान धनगढी प्रिमियर लिग (डीपीएल) को तेस्रो संस्करणको खेल तालिका सार्वजनिक भएको छ । प्रतियोगिता माघ २६ गतेदेखि फाप्ला क्रिकेट मैदानमा हुनेछ ।

शनिवार सार्वजनिक भएको तालिका अनुसार उद्धघाटन खेल सोमपाल कामी कप्तान रहेको धनगढी स्टार्स र करण केसी मार्की खेलाडी रहेको विराटनगर किंग्सले खेल्ने छन् । सबै टिमले एक अर्कासँग फागुन ६ गते सम्म प्रतिस्पर्धा गर्नेछन् । जसबाट शीर्ष चार टोली प्ले अफमा पुग्नेछन् भने पुछारका दुई टोली समुह चरणबाटै बाहिरिने छन् ।

तालिकाको शिर्ष दुई टोली फाइनल प्रवेशको लागि फागुन ७ गते भिड्ने छन् । पराजित टोलीले अर्को क्वालिफायर खेल खेल्न पाउने छ । तालिकामा तेस्रो र चौथो स्थानका टोली फागनु ८ मा एलिमिनेटर खेल्ने छन् । ऐलिमिनेटरको विजेता टोलीले फागुन ९ मा पहिलो क्वालिफायरमा पराजित टिमसँग फाइनलमा स्थान बनाउन प्रतिस्पर्धा गर्नेछ । फाइनल खेल फागनु ११ गते हुने छ ।

उद्धघाटन र फाइनल खेल दिउँसो एक वजेपछि हुने छ । अन्य खेल विहान ९ र दिउँसो १ वजे गरि खेल सञ्चालन गरिने छ । सबै खेल फाप्ला क्रिकेट मैदानमा हुने छ । यसअघिका दुवै संकरणको उपाधि साविक धनगढी टिम चौराह हाल (धनगढी स्टार्स) ले जितेको थियो । रुपन्देही च्यालेन्जर्स, महेन्द्रनगर युनाईटेड, काठमाडौं गोल्डेन्स, धनगढी स्टार्स, सीवाईसी अत्तरिया र विराटनगर किंग्स गरि ६ शहरका ६ फ्रेन्चाइज टिम रहेका छन् ।

हेर्नुहोस डीपीएलको खेल तालिका :