दुबई (हाम्रो खेलकुद) – यूएईसँगको पहिलो टि–२० खेलमा नेपाल २१ रनले पराजित भएको छ । १ सय ५४ रनको मध्यमलक्ष्य पक्ष्याएको नेपालले निर्धारित २० ओभरमा ७ विकेटको क्षतिमा १ सय ३२ रन मात्र बनाउन सक्यो । यो जितसँगै तीन खेलको टि–२० श्रृंखलामा घरेलु टोली यूएईले १–० को अग्रता कायम गरेको छ । दोस्रो टि–२० खेल नेपालले शुक्रबार खेल्ने छ । मध्यम लक्ष्य पक्ष्याएको नेपाललाईको लागि जित त्यति कठिन थिएन । तर पराजित हुन पुग्यो ।

नेपालले यूएईसँग हार्नुको प्रमुख तीन कारण :

सन्दीप जोरालाई साथ दिन नसक्नु

युवा खेलाडी सन्दीप जोराले विश्वकीर्तिमानी अर्धशतक प्रहार गरे । तर अन्य कुनैपनि ब्याट्सम्यानले राम्रो साथ र साझेदारी गर्न सकेनन् । टि-२० क्रिकेटमा अर्ध शतक प्रहार गर्ने विश्वकै कान्छा खेलाडी बनेका जोराले डेब्यूमै एक तर्फबाट परिपक्व अनुभवी ब्याट्सम्यानले जस्तै गरि ब्याटिङ गर्दा अर्को तर्फबाट नेपालको परम्परा रोग खराब ब्याटिङ र विकेट पतन जारी थियो ।

दिपेन्द्रसिंह ऐरी आउट भएपछि मैदान छिरेका जोराले यूएईका बलरलाई एक तर्फबाट दवावमा राखेका थिए । अर्को तर्फबाट नेपाली ब्याट्सम्यान पेभिलिएन फर्कि रहे । कुनै पनि ब्याट्सम्यानले जोरालाई राम्रो साथ दिन सकेनन् । जोरा अन्तिम बल सम्म जितको प्रयास गरेका थिए । कप्तान पारस खड्का, रोहित कुमार पौडेल, करण केसी र सोमपाल कामीले जोरालाई साथ दिन सकेनन् ।

एक ब्याट्सम्यानले जति सुकै राम्रो प्रर्दशन गरेपनि अर्को तर्फबाट तर्फबाट त्यहि अनुसारको साथ पाउँदैन भने स्वयं उक्त खेलाडी पनि दवावमा पर्न सक्छ र एक्लो प्रयास जितको लागि संभव हुँदैन । ४६ बलमा ३ चौका र १ छक्का प्रहार गर्दै जोरा ५३ रनमा अविजित रहँदै आफ्नो नाममा विश्व रेकर्ड लेखाउदा टोलीको हार भने टार्न सकेनन् । नेपालले यूएईसँग हानुको एक कारण यो पनि हो ।

शीर्ष ब्याट्सम्यानको खराब प्रर्दशन

नेपालका शीर्ष क्रमका कुनै पनि ब्याट्सम्यानले विजयी इनिङ्स खेल्न सकेनन् । सन्दीप जोराले एक्लै ५३ रन बनाउँदा नेपालका शीर्ष ५ ब्याट्सम्यानले बनाएको कुल रन ४० छ । ओपनर प्रदीप ऐरी पहिलो बलमै डक आउट हुँदा ज्ञानेन्द्र मल्ल ७ रनमा पेभिलिएन फर्किए । त्यस्तै निकै आसा गरेका युवा खेलाडी दिपेन्द्र सिंह ऐरी र रोहित कुमार पौडेलले पनि समान ४ रन मात्र जोड्न सके ।

कप्तान पारस खड्काले केहि आसा देखाएपनि लामो समय क्रिजमा टिक्न सकेनन् र २५ रनमा आउट भए । प्रमुख ब्याट्सम्यानले नै राम्रो रन जोड्न सक्दैनन् भने १ सय ५० भन्दा माथिको लक्ष्य पक्ष्याउनै पक्कै तल्लो क्रमका खेलाडीलाई कठिन हुन्छ । त्यसैले नेपालले आज यूएईसँग हार्नुको मुख्य कारण पनि शिर्ष ब्याट्सम्यानको खराव प्रर्दशननै हो ।

मध्य क्रममा नेपालको खराब  बलिङ

नेपालले हार्नुको अर्को कारण मध्य क्रममा खराव बलिङ हो । सुरुवात राम्रो भएपनि मधयम र अन्त्य राम्रो हुन सकेन । सन्दीप लामिछाने,सोमपाल कामी र बसन्त रेग्मिले राम्रो सुरुवात दिलाएका थिए । यूएई ७ ओभरमै ४३/३ को कमजोर अवस्थामा पुगेको थियो । जुन समय यूएई रन जोड्न संघर्ष गर्न थालेको थियो ।

जुन समय नेपाली बलरले एक दुई विकेट अझ छिटो लिन सक्थे भने यूएई पूर्ण रुपमा दवावमा आउने पक्का थियो । तर मोहम्मद उस्मान र शाइमन अनवरले ६१ रनको साझेदारी गर्दै यूएईलाई बलियो लक्ष्यतर्फ लम्काए । साथै अन्तिम ५ ओभरमा आउने ब्याट्सम्यानलाई ठूला शट खेल्न मिल्ने बलियो आधार सिर्जना गरेका थिए । हुन पनि त्यसै भयो ।

१४ ओभरमा १०४-४ को अवस्थामा पुगेको यूएईले अन्तिम ३६ बलमा २ विकेट गुमाउँदै थप ४९ रन जोड्न सफल भयो । जुन लक्ष्य घरेलु टोली यूएईलाई प्रतिस्पर्धा गर्न पर्याप्त थियो । मध्यक्रममा विकेट लिन नसक्नु नेपालको हारको एक कारण हो ।