6 years ago
January 31, 2019
सुबास हुमागाईं, दुबई
नेपाल विरुद्ध युएईको ३ खेलको टि-२० अन्तर्राष्ट्रिय श्रृंखलाको पहिलो खेलमा नेपाल २१ रनले हार्न पुगे पनि नेपालका युवा ब्याट्सम्यान सन्दीप जोराले एक नयां व्यक्तिगत रेकर्ड कायम गरेका छन् । जोरा टि-२० अन्तर्राष्ट्रियमा अर्धशतक प्रहार गर्ने सबैभन्दा कान्छा खेलाडी बनेका छन् ।
सन्दीपले १७ वर्ष १ सय ३ दिनको उमेरमा अर्धशतक बनाउँदै उक्त कीर्तिमान कायम गरेका हुन् । नेपाल २१ रनले पराजित भएको खेलमा सन्दीपले ५३ रनको योगदान दिए । उनले आफ्नो इनिङसमा ४६ बलमा ३ चौका र १ छक्का प्रहार गरे ।
सोमबार भएको यूएईविरुद्ध ओडीआई सिरिजको तेस्रो खेलमा राष्ट्रिय टोलीबाट डेब्यु गरेका सन्दीपले आज टि-२० मा पनि डेब्यु गरेका थिए । अर्धशतक प्रहार गर्दै सन्दीप टि-२० डेब्युमा नेपालका लागि सर्वाधिक रन बटुल्ने खेलाडी पनि बनेका छन् । यसअघि ज्ञानेन्द्र मल्लले सन् २०१४ को टि-२० विश्वकपमा हङकङविरुद्ध ४८ रन जोडेका थिए ।
यस अघि ओडीआई श्रृंखलामा अर्का युवा ब्याट्सम्यान रोहित पौडेल ओडीआईमा अर्धशतक प्रहार गर्ने सबैभन्दा कान्छा खेलाडी भएका थिए । सो बेला १६ वर्ष र १ सय ४६ दिनका रोहितले शाहिद अफ्रिदी र सचिन तेन्डुल्करको रेकर्ड तोडेका थिए ।
क्रिकइन्फोका अनुसार टि-२० अन्तर्राष्ट्रिय क्रिकेट खेल्ने सन्दीप नवौं कान्छा खेलाडी हुन् भने १६ वर्ष १ सय ५१ दिन पुगेका रोहित पौडेल तेस्रो कान्छा खेलाडी हुन् । नेपालले युएई विरुद्धको दोस्रो टि-२० खेल भोलि फेब्रुअरी १ खेल्ने छ ।
February 23, 2025
एजेन्सी – च्याम्पियन्स ट्रफीको डिफेन्डिङ च्याम्पियन पाकिस्तानले भारतविरुद्ध सामान्य योगफल तयार गरेको छ । युएईमा जारी खेलमा पाकिस्तानले भारतविरुद्ध २ सय ४१ रनको मध्यम योगफल तयार गरेको हो । भारतले पाकिस्तान जान अस्विकार गरेपछि उसको सबै खेल युएईमा भईरहेको छ । युएईस्थित दुबई अन्तर्राष्ट्रिय क्रिकेट स्टेडियममा टस जितेर पहिले ब्याटिङ गरेको पाकिस्तान ४९.४ ओभरमा २ […]
February 23, 2025
एजेन्सी – च्याम्पियन्स ट्रफीको आयोजक पाकिस्तानले भारतविरुद्ध टस जितेको छ । युएईको दुबई अन्तर्राष्ट्रिय क्रिकेट स्टेडियममा पाकिस्तानका कप्तान मोहम्मद रिजवानले टस जितेर ब्याटिङ रोजेका हुन् । भारतले पाकिस्तानमा खेल्न अस्विकार गरेपछि उसका सबै खेल युएईमा भइरहेको छ । पाकिस्तानले गत संस्करणको फाइनलमा भारतलाई नै पराजित गरेको थियो । पाकिस्तान १ सय ८० रनको जित निकाल्दै […]
February 23, 2025
एजेन्सी – च्याम्पियन्स ट्रफी २०२५ को दोस्रो राउण्डको पहिलो खेलमा भारत र पाकिस्तान भिड्दै छन् । युएईको दुबई अन्तर्राष्ट्रिय क्रिकेट स्टेडियममा नेपाली समय अनुसार खेल दिउँसो २ः४५ बजे सुरु हुनेछ । भारतले पाकिस्तानमा खेल्न अस्विकार गरेपछि उसका सबै खेल युएईमा भइरहेको छ । पाकिस्तानले गत संस्करणको फाइनलमा भारतलाई नै पराजित गरेको थियो । पाकिस्तान १ […]
