6 years ago
January 31, 2019
सुबास हुमागाईं, दुबई
नेपाली राष्ट्रिय क्रिकेट टोलीले तीन खेलको ट्वान्टी-२० सिरिज अन्तर्गत पहिलो खेलमा यूएईविरुद्ध टस जितेर फिल्डीङ रोजेको छ ।
नेपालका लागि ३ खेलाडीले आज टि-२० अन्तर्राष्ट्रियमा नेपालका लागि डेब्यु गर्दै छन् । मध्यक्रमका ब्याट्सम्यान रोहित कुमार पौडल र सन्दीप जोरासँगै तीव्र गतिका बलर अभिनाश बोहोराले डेब्यु गर्ने भएका हुन् ।
अभिनाशको राष्ट्रिय टोलीबाट यो पहिलो खेल हो । सन्दीप जोराले यसअघि यूएईविरुद्ध ओडीआई सिरिजको तेस्रो खेलमा राष्ट्रिय टोलीबाट डेब्यु गरेका थिए । रोहितले भने पछिल्लो एक वर्षदेखि राष्ट्रिय टोलीबाट खेल्दै आएका छन् । उनले दोस्रो खेलमा अर्धशतक बनाउँदै अन्तर्राष्ट्रिय क्रिकेटमा अर्धशतक बनाउने कान्छा खेलाडी पनि बनेका थिए ।
अभिनाश पछिल्लो समय घरेलु फ्रेन्चाइज टि-२० प्रतियोगितामा उत्कृष्ट प्रदर्शन गरेपछि राष्ट्रिय टोलीको प्रारम्भिक छनोट हुँदै टोलीमा परेका हुन् । उनले केहि महिनाअघि काठमाडौंमा भएको एभरेस्ट प्रिमियर लिगमा भैरहवा ग्ल्याडीयटर्सबाट खेल्दै चर्चा बटुलेका थिए ।
सन्दीप जोरा पनि ईपीएल विजेता टोली ललितपुर प्याट्रीयट्समा राम्रो प्रदर्शन गर्दै टोलीमा स्थान बनाउन सफल बाहेक हुन् । उनले यू-१९ उमेर समुहको राष्ट्रिय टोलीबाट पनि प्रशंसनीय प्रदर्शन गर्दै आएका छन् । यूएईविरुद्ध तेस्रो ओडीआईमा उनले राम्रो सुरुवात पाएपनि बाउन्ड्रीनिर क्याचआउट भएका थिए ।
पहिलो खेलका लागि नेपाली टोली :
ज्ञानेन्द्र मल्ल, प्रदिप ऐरी, पारस खड्का(कप्तान), दिपेन्द्रसिंह ऐरी, सन्दिप जोरा, रोहित पौडेल, सोमपाल कामी, करण केसी, सन्दिप लामिछाने, वसन्त रेग्मी, अभिनाश बोहोरा
March 15, 2025
काठमाडौं(हाम्रो खेलकुद) – नेपाल पुलिस क्लबले प्रधानमन्त्री (पिएम) कप पुरुष एकदिवसीय राष्ट्रिय क्रिकेट प्रतियोगितामा मधेश प्रदेशविरुद्ध बलियो योगफल तयार गरेको छ । दाङको लमहिमा रहेको देउखुरी क्रिकेट रंगशालामा जारी खेलमा टस जितेर ब्याटिङ गरेको पुलिसले ४९.५ ओभरमा २ सय ८८ रनको बनाएको छ । पुलिसका लागि कप्तान दीपेन्द्रसिंह ऐरीले ३६ बलमा ५ चौका र ४ […]
March 15, 2025
काठमाडौं (हाम्रो खेलकुद) – कोशी प्रदेशले प्रधानमन्त्री (पिएम) कप पुरुष एकदिवसीय राष्ट्रिय क्रिकेट प्रतियोगितामा त्रिभुवन आर्मी क्लबविरुद्ध मध्यम योगफल तयार गरेको छ । रुपन्देहीको सिद्धार्थ क्रिकेट रंगशालामा जारी खेलमा कोशीले टस जितेर पहिले ब्याटिङ गर्दै ४९.३ ओभरमा २ सय ३० रन बनाएको छ। कोशीका लागि सुभान गहतराजले ५७ बलमा ७ चौकासहित सर्वाधिक ५१ रन जोडे […]
March 14, 2025
काठमाडौं (हाम्रो खेलकुद)- लुम्बिनी प्रदेश र मधेश प्रदेश प्रहरी कार्यालय प्रथम आइजिपी कप क्रिकेट प्रतियोगिता २०८१ को उपाधिका लागि भिड्ने भएका छन्। शुक्रवार भएको सेमिफाइनलमा लुम्बिनीले सुदूरपश्चिम प्रदेश प्रहरी कार्यालयलाई १ सय ९ र मधेशले राष्ट्रिय प्रहरी प्रशिक्षण प्रतिष्ठान टिमलाई १२ रनले हराउँदै फाइनल पुगेका हो। पहिलो सेमिफाइनलमा टस हारेर पहिले ब्याटिङको निम्तो पाएको लुम्बिनीले […]
