दुबई (हाम्रो खेलकुद) – नेपाल र यूएईबीच जारी  तीन खेलको एकदिवसीय अन्तर्राष्ट्रिय सिरिजको तेस्रो तथा निर्णायक खेल सोमबार हुँदैछ । नेपाल पहिलो खेलमा ३ विकेटले पराजित हुँदा दोस्रो खेलमा १ सय ४५ रनको फराकिलो जित निकालेको थियो । यो सँगै श्रृंखला १–१ को बराबरीको अवस्थामा छ ।

सोमबार नेपालले नतिजा आफ्नो पक्षमा पार्न सके ओडीआई मान्यता पाएको एक वर्ष नपुग्दै पहिलो सिरीज जित्ने छ । जसको लागि नेपाली खेलाडी आतुर छन् । पहिलो सिरीज जित्ने लक्ष्यका साथ नेपाली टोली आईसीसी एकेडेमी मैदान प्रवेश गर्नेछ । नेपालले गत मार्चमा जिम्बाबेमा सम्पन्न एक दिवसिय विश्वकप छनोटमा आठौं स्थानमा रहेर चार वर्षको लागि वान डे मान्यता प्राप्त गरेको थियो । गत अगस्टमा पहिलो ओडीआई सिरीज नेदरल्यान्डसँग खेल्दै १–१ को बराबरीमा सकाएको थियो ।

हालसम्म नेपालले ५ ओडीआईमा ३ मा हार र २ मा जित निकालेको छ । तेस्रो ओडीआई सिरिजको निर्णायक खेलको पूर्वसन्ध्यामा बोल्दै कप्तान पारस खड्काले पनि पहिलो सिरिज जित्न टोली एकतृत भएर लागेको बताएका छन् । ‘हामी पहिलो ओडीआई सिरिज जित्ने संघारमा छौं । यसका लागि सबैले एकतृत भएर मिहिनेत गर्छौं । यसअघिको नतिजा वास्ता नगरि भोलि नयाँ खेलको लागि जुटेका छौं । हामीले अघिल्लो खेलको लयलाई निरन्तरता दिँदै जित हासिल गर्ने प्रयासमा हुनेछौं,पारसले भने ।

त्यस्तै तेस्रो खेलमा टोलीमा भिम सार्कीकाले डेब्यू गर्ने संभावना छ। घरेलु लिगमा उत्कृष्ट प्रर्दशन गरेका भिमले सुरुवाती दुई खेलमा टोलीमा परेनन् । पवन सरार्फलाई पहिलो खेलमा डेब्यू गराएको नेपालले दोस्रो खेलमा पनि निरन्तरता दिएको थियो । तर पवनले अपेक्षा गरे अनुसारको प्रर्दशन गर्न सकेनन् । डेब्यूमा ४ रन जोडेका पवनले दोस्रो खेलमा ८ रन मात्र बनाउन सके । त्यसैले तेस्रो खेलमा पवनको ठाउँमा भिमलाई डेब्यू गराउन सक्ने संभावना देखिन्छ ।

तेस्रो खेलअघि कसले के भने ?

कप्तान पारस खड्का :

प्रशिक्षक जगत टमाटा :

ब्याटिङ कन्सल्टेन्ट उमेश पटवाल :