काठमाडौं (हाम्रो खेलकुद) – हङकङका कप्तान बाबर हायत र पाकिस्तानका प्रथम श्रेणीका क्रिकेटर राजा अलि डर रुपेन्देही च्यालेन्जर्समा अनुबन्धित भएका छन् ।

धनगढी प्रिमियर लिग क्लब रुपन्देहीले आइतबार विदेशी खेलाडीको रुपमा बाबर र राजालाई अनुबन्धित गरेको क्लबले विज्ञप्तीमार्फत उल्लेख गरेको छ । बाबर दायाँ हाते ब्याट्सम्यान हुन् । राजा बायाँ हाते ब्याट्सम्यान र स्पिनर हुन् ।

बाबरले हङकङका लागि २२ एकदिवसीय अन्तर्राष्ट्रिय र २४ टि–२० अन्तर्राष्ट्रिय खेल खेलीसकेका छन् । यस्तै राजाले लाहोरको लागि पाकिस्तानी घरेलु क्रिकेटमा ६९ प्रथम श्रेणी तथा ६२ लिस्ट ए क्रिकेट खेलीसकेका छन् । राजा गत सिजन बंगलादेश प्रिमियर लिगमा राजशाही किंग्स टिममा थिए ।
यही माघ २६ देखि फागुन ११ सम्म आयोजना धनगढीको फाप्ला क्रिकेट मैदानमा आयोजना हुदैछ ।
रुपन्देही च्यालेन्जर्सको यो सिजन रणनीतिक खेलाडी बसन्त रेग्मी रहेका छन् । यस्तै टिममा विनोद भण्डारी, ललित भण्डारी, भिम सार्की, प्रदिप ऐरी, सन्दिप सुनार, बिक्रम सोब, कृष्ण कार्की, सुमित महर्जन, अनिल खरेल, पुरन बिक, सुरज दराई र शेर मल्ल रहेका छन् ।

रुपन्देही टिम मालिक सुरज उप्रेतीले अक्सनबाट पनि हामीले राम्रो खेलाडीहरु टिममा भित्र्याएका कारण टिमलाई अझ सन्तुलनमा ल्याउन बाबर र राजालाई अनुबन्ध गरेको बताए । उनले यसपटक उपाधि जित्ने लक्ष्यका साथ टिम तयार पारेको बताए ।