एजेन्सी – न्युजिल्याडसँगको दोस्रो एक दिवसिय खेलमा पाहुँना टोली भारत ९० रनले विजयी भएको छ । शनिबार ३ सय २५ रनको लक्ष्य पछ्याएको न्युजिल्यान्ड ४०.२ ओभरमा २ सय ३४ रनमा समेटियो ।

टोलीका लागि तल्लो क्रमका डोग ब्रेसवेलले ४६ बलमा ५ चौका र ३ छक्का प्रहार गर्दै सर्वाधिक ५७ रन बनाए । कप्तान केन विलियम्सनले २०,कोलिन मुनरो ३१,मार्टिन गुप्टिल १५ र रोस टेलर २२ रन जोडे । त्यस्तै हेनरी निकोलस २८,टम लेथम ३४,लोकी फग्र्यूसन १२ र ट्रेन्ट बोल्टले १० रनको योगदान दिए ।

न्युजिल्यान्डलाई सस्तैमा समेट्न भारतका युवा स्पिनर कुलदिप यादवले १० ओभरमा ४५ रन खर्चेर ४ विकेट लिए । त्यस्तै युजवेन्द्र चाहल र भुवनेश्वर कुमारले समान दुई विकेट लिदा मोहम्मद शामी र केधार जाधवको नाममा पनि एक(एक विकेट रह्यो ।

त्यस अघि टस जितेर पहिला ब्याटिङ थालेको भारतले ५० ओभरमा ४ विकेटको क्षतिमा ३ सय २४ रन बनायो । भारतलाई विशाल योगफल तयार पार्न ओपनर रोहित शर्मा र शिखर धवनले २६ ओभरभित्र १ सय ५४ रनको शतकीय साझेदारी गरेका थिए ।

रोहितले ९६ बलमा ९ चौका र ३ छक्का प्रहर गर्दै ८७ रन बनाए । त्यस्तै शिखर धवनले ६७ बलमा ९ चौकाको सहयोगमा ६६ रन बटुले । कप्तान विराट कोहली ४३,आम्बती रायडू ४७ रनमा आउट हुँदा महेन्द्रसिंह धोनी ४८ र केधार जाधवले २२ रनमा अविजित रहे ।

न्युजिलयान्डका लागि लोकी फग्र्यूसन र ट्रेन्ट बोल्टले समान दुई विकेट लिए । योसँगै पाँच वान डे को सिरीजतमा भारतले २(० को अग्रता लिएको छ । पहिलो खेलमा भारत ८ विकेटले विजयी भएको थियो । तेसो खेल सोमबार हुनेछ ।