सुबास हुमागाईं, दुबई

यूएईविरुद्ध जारी ओडीआई सिरिजको पहिलो खेलमा नेपालको पराजयको कारण कमजोर ब्याटिङ प्रदर्शन रहेको कप्तान पारस खड्काले बताएका छन् । खेलमा पहिलो ब्याटिङ गरेको नेपाल जम्मा १ सय १३ रन जोड्दै अलआउट भएको थियो ।

कप्तान खड्काले पिचको अवस्थाका कारण क्रिजमा बसेर खेल्न कठिन भएको बताए । ‘पिच एकदम कठिन थियो । उछाल भरिएको पिचमा खेल्न हामीलाई बानि नपरेको पनि हो । जुनसुकै बलमा पनिविकेट गुम्ने स्थिति थियो । दुवै इनिङको ब्याटिङमा हामीले त्यो देख्न सक्छौं । यद्यपी हामीले केहि गल्ति गर्नुको कारण कमजोर योगफलमा सिमित हुन पुग्यौं,’ उनले भने ।

कप्तान खड्काले बलिङ प्रदर्शनले खेलमा फर्किएपनि जित हासिल गर्न नसक्दा भने दुख लागेको बताए । ‘बलिङ प्रदर्शन राम्रो थियो । हामीले खेलमा फर्किएर यूएईलाई दबाबमा पनि राख्यौं । केहि अवसर सदुपयोग गरेको भए नतिजा हाम्रो पक्षमा आउने थियो, तर क्रिकेट यस्तै हो । अब प्रदर्शन सुधार गर्नु जरुरि छ,’ उनले भने ।

अर्को खेलका लागि टोलीमा परिवर्तन गर्नेबारे भने पारसले विकेट हेरेपछि मात्र निर्णय लिइने बताए । ‘ हामी भोलि पनि यसै पिचमा खेल्दैछौं । तर आजजस्तो पेस बलरलाई सहयोग नपुग्ने हुन सक्छ । हामी आजको खेलबारे प्रशिक्षण टोली छलफल गर्छौं । नया समीकरण बनाएर कसरि अगाडी बढ्न सकिन्छ हेर्नेछौं,’ उनले भने ।

हेर्नुहोस पारसले खेलपछि के भने :