आज क्रीतिपुर स्तिथ त्रीभुवन अन्त राष्ट्रिय क्रीकेट मैदानमा भएको खेलमा नेपालले नामिवियालाई ५ विकेटले पराजित गरेको छ । नेपालले टस जित्दै बलिङ रोज्दा १९६ रनको लक्ष्य पाएको थियो । 

नेपालले आजको खेलमा दुई नयाँ अनुहारलाई मौका दिएको थियो र दुबै खेलाडी राजु रिजाल र सन्दिप लामिछानेले उत्कृष्ट प्रदर्शन गर्न सफल भए । राजुले ब्याटबाट कमाल गर्न नसके पनि उत्कृष्ट विकेट किपिङ गरेका थिए । सन्दिपले १० ओभर बलिङ गर्दै ३८रन दिदै १ विकेट लिन सफल भए ।

पहिले ब्याटिङ गरेको नमिवियाको लागि आठ खेलाडिले दोहोरो अंकको रन बनाएपनी ठुलो पारी कसैले खेल्न सकेनन । नमिवियाका आठ नम्बरका ब्याटस्म्यान बर्गरले सर्वाधिक ३८रन बनाएका थिए । नेपालको लागि बसन्त रेग्मीले ३, सोमपाल कामीले २, पारस खड्का र सन्दीप लामिछानेले १–१ विकेट लिएका थिए । नेपालले पचास ओभरमा जम्मा दुई अतरिक्त रन दिएको थियो । पचास ओभर खेल्दै नमिवियाले ९ विकेट गुमाउदै १९६ बनायो ।

१९७ रन को लक्ष्य लिएर मैदानमा उत्रीएको नेपालको लागि सुरुवाती ब्याट्स्म्यान ज्ञानेन्द्र मल्ल र नरेश बुडाएरले राम्रो पाट्नरशिप गरे । नेपालले उक्त लक्ष्य ५ विकेट गुमाउदै १७ बल अगावै पुरा गर्‍यो । नेपालको लागि शरद भेस्वाकरले अन्तिम बल मा चौका प्रहार गर्दै आफ्नो अर्धसतक र जित सुनिस्चित गरे ।

दाेस्राे खेल अब साेमबार हुनेछ । उक्त खेलमा जित हात पारे नेपालकाे छनाेट हुने सम्भावना बलियाे हुनेछ ।