नयाँ दिल्ली- दिल्ली डेरडेभिल्सले इन्डियन प्रिमियर लिग (आइपिएल) मा शुक्रबार पहिलो जित निकालेको छ । किड्स ११ पन्जाबलाई ८ विकेटले हराउँदै दिल्लीले दुई खेलमा पहिलो जित दर्ता गराएको हो ।

दिल्लीका अमित मिश्रा(बीचमा) लाई बधाई दिदै अन्य खेलाडी ।

शुक्रबार टस जितेर पन्जाबलाई पहिले ब्याटिड् गर्न दिने दिल्लीको निर्णय सहि रह्यो । अमित मिश्राले ४ विकेट लिएपछि पन्जाब २० ओभरमा ९ विकेट गुमाएर १ सय ११ रन बनाएको थियो । जवाफमा क्विन्टन डी ककको अविजित अर्धशतकको मद्दतमा दिल्लीले १३.३ ओभरमा २ विकेट गुमाएर १ सय १३ रन बनाएको थियो ।
डि ककले सन्जु सामसनले दोस्रो विकेटका लागि ९१ रनको साझेदारी गरेपछि दिल्लीले जितको बलियो आधार तयार बनेको थियो । डि ककले ४२ बलमा ९ चौका र १ छक्काको मद्दतमा अविजित ५९ रन बनाएको थिए । सामसनले ३२ बलमा ३ चौका र १ छक्कासहित ३३ रन बनाएका । पवन नेगीले अविजित ८ रन जोडे । पन्जाबका सन्दीप शर्मा र अक्षर पटेलले समान १ विकेट लिए ।
त्यसअघि पन्जाबका लागि मनन भोराबाहेकका खेलाडीले ठूलो स्कोर जोड्न सकेनन् । भोराले २५ बलमा ५ चौकाका साथ ३२ रन जोडठे । प्रदीप साहुले १२ बलमा १८, मोहित शर्माले ८ बलमा १५ , शन मार्सले १३ र अक्षरले ११ रन बनाए । अरु कुनै खेलाडीले दोहोरो रन बनाउन सकेनन् ।
दिल्लीका लागि मिश्राबाहेक जाहिर खान, क्रिस मोरिस र जयन्त यादवले समान १ विकेट लिए ।
गुजराज ४ अंकका साथ शीर्षस्थामा छ भने बंैगलोर, कोलकाता, पुने, दिल्ली र मुम्बईको समान २ अंक छ । ८ टोली मध्ये पन्जाब र हैदरबाद अंकविहिन छ । आइपिएलमा शनिबार दुई खेल हुनेछन् । हैदबाद र कोलकाताबीच हैदराबादमा तथा मुम्बईले घरेलु मैदानमा गुजरातको सामना गर्नेछ ।