नेपियर (एजेन्सी) – भारतले पहिलो वान डे न्युजिल्यान्डसँगलाई ८ विकेटले हराएको छ । १ सय ५६ रनको सामान्य लक्ष्य पछ्याएको भारतले भारतले ३५ ओभरमा २ विकेट गुमाउँदै जित हासिल गरेको हो ।

खराब मौसमका कारण केहि समय खेल रोकिँदा १ ओभर घटाइएको खेलमा १ सय ५८ रनको लक्ष्य १ सय ५६ मा झारिएको थियो । भारतको जितमा ओपनर शिखर धवन १ सय ३ बलमा ६ चौकासहित ७५ रनमा अविजित रहे ।

कप्तान विराट कोहलीले ५९ बलमा ३ चौका प्रहार गर्दै ४५ रन जोडे । रोहित शर्मा ११ र आम्बाती रायडू १३ रनमा अविजित रहे । घरेलु टोलीका डोग ब्रेसवेल र लोकी फग्र्यूसनले समान १ विकेट लिए ।

त्यस अघि टस जितेर पहिला ब्याटिङ थालेको न्युजिल्यान्ड ३८ ओभरमा अल आउट हुँदै १ सय ५७ रनमा समेटियो । कप्तान केन विलियम्सनले ८१ बलमा ७ चौकासहित ६४ रन बनाउन बाहेक अन्य कुनैपनि ब्याट्सम्यानले सम्झन योग्य प्रर्दशन सकेनन् । रोस टेलर २४,मिचेल सेन्टनर १४,हेनरी निकोलस १२ र टम लेथमले ११ रन जोडे ।

भारतका लागि युवा स्पिनर कुलदिप यादवले १० ओभरमा १ मेडन सहित ३९ रन खर्चेर ४ विकेट लिए । मोहम्मद शामीले ३,युजवेन्द्र चाहाल २ र केदार जाधवले १ विकेट लिए । जितसँगै भारतले पाँच वान डे श्रृंखलामा १– ० को अग्रता लिएको छ । दोस्रो खेल शनिबार हुनेछ ।