काठमाडौं (हाम्रो खेलकुद) – संयुक्त अरब एमिरेट्स (यूएई) सँग हुने ३ एक दिवसीय अन्तर्राष्ट्रिय (ओडीआई) र ३ टि ट्वान्टी अन्तर्राष्ट्रिय खेलको लागि नेपाली राष्ट्रिय क्रिकेट टोली दुवई प्रस्थान गरेको छ ।

नेपाली टोली अपराह्न ४:२० मा १६ खेलाडी तथा ५ अफिसियल सहितको टोली दुवईतर्फ लागेको हो । नेपालले २५ जनवरीदेखि २८ जनवरीसम्म वान डे अन्तर्राष्ट्रिय सिरिज खेल्नेछ । त्यस्तै जनवरी ३१ देखि फेब्रुअरी ३ सम्म ३ टि ट्वान्टी आई खेल्दै यूएई भ्रमण सकाउने छ ।

नेपाली टोलीले सिरीज जित्ने लक्ष्य राखेको छ । नेपालको यो दोस्रो ओडीआई सिरीज हो । यसअघि नेपालले पहिलो ओडीआई नेदरल्यान्डसँग खेल्दै डेब्यू गरेको थियो । दुई खेलको सिरीज १–१ को बराबरीमा सकिएको थियो । यो सिरीजसँगै नेपाल आईसीसीको ओडीवाई वरियतामा समेत नाम आउनेछ । गत मार्च १५ मा ओडीआई मान्यता पाएको नेपालले हालसम्म तीन खेल खेलेको छ । नेपाली क्रिकेट संघ (क्यान) निलम्बनमा रहेको अवस्थामा खेलाडी र प्रशिक्षको पहलमा आईसीसीले नेपाललाई युएईसँग सिरीज खेल्ने व्यवस्था मिलाईदिएको हो ।

नेपाली टोली :
पारस खड्का (कप्तान), अभिनाश बोहोरा, वसन्त रेग्मी, विनोद भण्डारी, दिपेन्द्रसिंह ऐरी, ज्ञानेन्द्र मल्ल, करण केसी, ललित नारायण राजवंशी, आरिफ शेख, पवन सर्राफ, प्रदिप ऐरी, रोहित कुमार पौडेल, सन्दिप लामिछाने, सोमपाल कामी, सन्दिप जोरा, भिम सार्की ।

अफिसियल:
प्रमुख प्रशिक्षक : जगत तमटा
म्यानेजर तथा टेक्निसियल एनालिष्ट रमन शिवाकोटी
ब्याटिङ प्रशिक्षक उमेश पटुवाल
दिनेश भट्ट फिजियो
सुभाष पात्रो ट्रेनर

नेपाल र युएईबीचको खेल तालिका
२५ जनवरी, शुक्रबार – पहिलो ओडीआई
२६ जनवरी, शनिबार – दोस्रो ओडीआई
२८ जनवरी, सोमबार – तेस्रो ओडीआई
३१ जनवरी, बिहीबार – पहिलो टि ट्वान्टी आई
१ फेब्रुअरी, शुक्रबार – दोस्रो टि ट्वान्टी आई
३ फेब्रुअरी, आइतबार – तेस्रो टि ट्वान्टी