ढाका (एजेन्सी) – बंगलादेश प्रिमियर लिगमा (बिपिएल) मा नेपाली युवा लेग स्पिनर सन्दीप लामिछानेले बलियो टिम ढाका डायनामाइट्सविरुद्ध मध्यम बलिङ गरेका छन् ।

सन्दीपले ४ ओभरमा २७ रन खर्चेर १ विकेट लिए । सन्दीपलाई कप्तान डेविड वार्नरले ५ औं ओभरमा बलिङ गर्न ल्याएका थिए । सन्दीपले ५ औं ओभरको तेस्रो बलमा रोनी तालुकदारलाई १३ रनमा बोल्ड गर्दिए । पहिलो ओभरमा ३ रन मात्र खर्चिए । सन्दीपले ८ औं ओभरमा ८ रन खर्चिन पुगे । १२ औं ओभरमा भने महँगो सावित भए ।

पहिलो,दोस्रो र चौथो बलमा कप्तान सकिव अल हसनले चौका प्रहार गरेपछि यस ओभरमा १२ रन खर्चे । सन्दीपले अन्य तीन बल भने डट गराएका थिए । १४ औं ओभरमा सन्दीपले ४ रन खर्चिदै आफ्नो बलिङको कोटा सकाए ।

त्यस अघि टस जितेर पहिला ब्याटिङ गरेको सिक्सर्सले कप्तान डेविड वार्नरको ६३ रनको सहयोगमा निर्धारित २० ओभरमा ८ विकेटको क्षतिमा १ सय ५८ रन बनाएको थियो ।
ढाकाले यो समचार तयार पार्न सम्म १५ ओभरमा ४ विकेट गुमाएर १ सय ३५ रन जोडेको छ ।

सन्दीप कोमिल्ला भिक्टोरिएन्सविरुद्ध डेब्यू गर्दै २ विकेट लिएका थिए । दोस्रो खेलमा चितगोंग भाइकिंग्स र तेस्रो खेलमा ढाका डायनामाइट्सविरुद्ध बिकेट लिन सकेनन् । कोमिल्लासँग चौथो खेलमा भने सन्दीप बेन्चमा बसे ।

पाँचौ खेलमा रंगपुर राइडर्सवरुद १ विकेट लिए । सन्दीप २३ जनवरी सम्म बंगलादेश प्रिमियर लिग खेल्ने छन् । नेपाल र युएईबीच २५ जवनरी सुरु हुने तीन ओडीआई समान अन्तर्राष्टिय टी–२० सिरीजको लागि उतैबाट दुबई जाने छन् ।