6 years ago
January 18, 2019
एजेन्सी – बंगलादेश प्रिमियर लिगमा (बिपिएल) मा नेपाली युवा लेग स्पिनर सन्दीप लामिछानेको टिम सिलहेट सिक्सर्सले बलियो टोली ढाका डायनामाइट्ससँग खेल्दै छ । खेल नेपाली समय अनुसार दिउँसो १:४५ देखी सिल्हेट इन्टरनेशनल क्रिकेट स्टेडियमा सुरु हुने छ ।
जारी प्रतियोगितामा स्टार खेलाडीले भरिएको ढाका बलियो टोली हो । ढाका ५ खेलमा ४ मा जित र १ मा हारका साथ शीर्ष स्थानमा छ । यता सन्दीपको टिम सिक्सर्सले ५ खेलमा ३ मा हार र २ मा जितका साथ छैटौं स्थानमा छ । यस अघि ढाकाले सिक्सर्सलाई ३२ रनले पराजित गरेको थियो । सन्दीप ढाकाविरुद्ध विकेट विहिन बन्न पुगेका थिए ।
ढाकाको कप्तानी बंगलादेशका अलराउण्डर सकिव अल हसनले गर्ने छन् । सकिवसँगै बंगलादेशका तीब्र गतिका बलर रुवेल हसन,वेस्ट इन्डिजका अलराउण्डर सुनिल नारायन,आक्रमक ब्याट्सम्यान आन्द्रे रसेल,रोवमन पावेल,काइरान पोलार्ड,अफगानिस्तानका आक्रमक ओपनर हजरतुल्लाह जजाई जस्ता ठूला नाम गरेका खेलाडी ढाकामा छन् ।
बिपिएलमा सन्दीपको प्रर्दशन
सन्दीप कोमिल्ला भिक्टोरिएन्सविरुद्ध डेब्यू गर्दै २ विकेट लिएका थिए । दोस्रो खेलमा चितगोंग भाइकिंग्स र तेस्रो खेलमा ढाका डायनामाइट्सविरुद्ध बिकेट लिन सकेनन् । कोमिल्लासँग चौथो खेलमा भने सन्दीप बेन्चमा बसे । पाँचौ खेलमा रंगपुर राइडर्सवरुद १ विकेट लिए ।
सन्दीप २३ जनवरी सम्म बंगलादेश प्रिमियर लिग खेल्ने छन् । नेपाल र युएईबीच २५ जवनरी सुरु हुने तीन ओडीआई समान अन्तर्राष्टिय टी-२० सिरीजको लागि उतैबाट दुबई जाने छन् ।
January 15, 2025
सुबास हुमागाईं, काठमाडौं नेपाली राष्ट्रिय क्रिकेट टोलीले २ वर्षअघि मोन्टि देशाइलाई मुख्य प्रशिक्षकको रुपमा पाएको थियो । ओडीआई मान्यता नै गुम्ने खतरा बढेको अवस्थामा जोखिम लिएर नेपाल आएका मोन्टिले छोटो समयमा नै आफ्नो प्रभाव जमाएर नेपालको ओडीआई मान्यता मात्र जोगाएनन्, लिग-२ को पुछारनजिकबाट तेस्रो स्थानसम्म उकाले । मोन्टिको नियुक्ति भएको २ वर्ष बित्दा नेपालको ब्याटिङमा […]
January 15, 2025
काठमाडौं(हाम्रो खेलकुद) – जय ट्रफी मेन्स एलिट कप क्रिकेटको फाइनलमा त्रिभुवन आर्मी क्लबविरुद्ध नेपाल पुलिस क्लबले सामान्य अग्रता लिएको छ। वीरगंजमा जारी फाइनलमा पुलिसले दोस्रो दिन बुधवारको खेल सकिँदा दोस्रो इनिङमा ९५ रनको अग्रता लिएको छ । दोस्रो दिनको समाप्तिमा पुलिसले १ सय ३२ रन जोड्दा ९ विकेट गुमाएको छ । पुलिसका लागि कुशल भुर्तेलले […]
January 15, 2025
काठमाडौं(हाम्रो खेलकुद) – ओपनर ब्याटर कविता कुँवरको अर्धशतकमा सुदूरपश्चिम प्रदेशले धनगढीमा जारी महिला प्रधानमन्त्री कप राष्ट्रिय टि ट्वान्टी प्रतियोगितामा बुधवार लुम्बिनी प्रदेशलाई पराजित गरेको छ । दिनको दोस्रो खेलमा सुदूरपश्चिमले लुम्बिनीमाथि ७५ रनको जित हात पारेको छ । पहिलो खेलमा मंगलवार गण्डकी प्रदेशलाई पराजित गरेको सुदूरपश्चिमको यो लगातार दोस्रो जित हो । लुम्बिनी आफ्नो पहिलो […]
