मेलवर्न (एजेन्सी)– भारत र अस्ट्रेलियाबीचको तेस्रो तथा निर्णायक वान डे खेल शुक्रबार(भोली)मेलवर्नमा हुँदैछ । खेल नेपाली समय अनुसार बिहान ८ः५ देखि सुरु हुने छ ।

पहिलो खेलमा ३४ रनले पराजित भएको भारत दोस्रो खेलमा ६ विकेटले विजयी भएको थियो । तीन वान डे को श्रृंखला १–१ को अवस्थामा छ । भारतले तेस्रो वान डे खेल जिते पुन नयाँ इतिहास रच्ने छ । यस अघि ७१ वर्षपछि पहिलो पटक टेस्ट सिरीज जितेको भारतले वान डे श्रृंखला जिते एकै साथ अस्ट्रेलियन भूमिमा दोहोरो उपाधि जित्ने छ । यहि सोचका साथ कप्तान विराट कोहली र भारतीय खेलाडी मैदान प्रवेश गर्ने छन् ।

२०१७ यता अस्ट्रेलियाले कुनै वान डे सिरीज जितेको छैन । पछिल्ला १५ वान डे खेलमा अस्ट्रेलियाले ३ मा मात्र जित निकालेको छ । तेस्रो वान डे जित्दै एक वर्षपछि सिरीज जित्न चाहान्छ । तेस्रो खेलमा भारतीय टोलीमा खेलाडी परिवर्तन हुन सक्ने संभावन छ । दोस्रो खेलमा खासै राम्रो प्रर्दशन गर्न नसकेका मोहम्मद सिराजको ठाउँमा युवेन्द्र चाहल वा विजय शंकरलाई टिममा उतार्न सक्ने संभावना देखिन्छ ।

यता तेस्रो वान डेका लागि अस्ट्रेलियाले प्लेइङ ११ घोषणा गरि रहेको छ । नाथन लायनका ठाउँमा एडम जम्मा र जेसन बेहरेनडोर्फको स्थानमा बिल्ली स्टानलेकलाई टिममा मौका दिएको छ । अन्य कुनै फेरबदल गरेको छैन ।

भारतीय टोली – विराट कोहली (कप्तान),रोहित शर्मा, शिखर धवन,अम्बाती रायडू,दिनेश कार्तिक,केदार जाधव,महेन्द्रसिंह धोनी,कुलदिप यादव,युजवेन्द्र चाहल,रविन्द्र जडेजा,भुवनेश्वर कुमार,विजय शंकर,खलील अहमद,मोहम्मद शमी र मोहम्मद सिराज ।

अस्ट्रेलियाली टोली –आरोन फिन्च (कप्तान), एलेक्स करी,उस्मान ख्वाजा,शन मार्श,पिटर हैन्ड्सकोम्ब,मार्कस स्टोइनिस,ग्लेन म्याक्सवेल,पिटर सिडल,झेय रिचर्डसन ,मिचेल मार्श,बिली स्टानलेक,एस्टोन टर्नर,एडम जाम्पा ।