एजेन्सी – श्रीलंकासँगको एक मात्र टी–२० खेलमा घरेलु टोली न्युजिल्यान्ड ३५ रनले विजयी भएको छ । १ सय ८० रनको लक्ष्य पक्ष्याएको श्रीलंका १६.५ ओभरमा अल आउट हुँदै १ सय ४४ रनमा समेटियो ।

राम्रो सुरुवात गरेको श्रीलंकाको मिडिल अडर र तल्लो क्रममा निरन्तर विकेट पतन हुँदा पराजित हुन पुगेको हो । श्रीलंकाका लागि थिसारा परेराले २४ बलमा ३ छक्का र २ चौका प्रहार गर्दै ४३, कुशल परेरा २३, निरोशन डिक्वेला १८, कुशल मेन्डिसले १७ र धनन्जय डी शिल्भाले १० रन जोडे । न्युजिल्यान्डका लागि लोकी फर्गुसन र ईश सोधीले समान ३ तथा टिम साउदी, मिचेल सेन्टनर, डोग ब्रेसवेल र स्कट कुग्गेलेइजनले समान एक-एक विकेट लिए ।

त्यसअघि टस हारेर पहिला ब्याटिङ थालेको घरेलु टोली न्युजिल्यान्डले निर्धारित २० ओभरमा ७ विकेटको क्षतिमा १ सय ७९ रन बनाएको थियो । खराब सुरुवात गरेको न्युजिल्यान्डलाई तल्लोक्रमका ब्याट्सम्यानले इनिङ्स उकासेका थिए । ५५ रन बनाउन ५ विकेट गुमाएको न्युजिल्यान्डलाई डोग ब्रेसवेल र स्कट कुग्गेलेइजनले आक्रमक ब्याटिङ गर्दै सुरक्षित स्कोर सम्म पुर्याए ।

ब्रेसवेलले २६ बलमा ५ छक्का र १ चौका प्रहार गर्दै ४४ रनको योगदान दिए । स्कटले १५ बलमा ४ छक्का र १ चौका प्रहार गर्दै ३५ रनमा नट आउट रहे । न्युजिल्यान्डका अन्य रोश टेलर ३३,मिचेल सेन्टेनर १३,कोलिन मुनरो १६ र कप्तान टिम साउदी १३ रनमा नट आउट रहे । अन्य कुनै पनि ब्याट्सम्यानले राम्रो प्रर्दशन गर्न सकेनन् ।

श्रीलंकाका लागि कशुन राजित ३,कप्तान लाथिस मलिङ्गा २,थिसारा परेरा लख्सन सन्दकनले १ विकेट लिएको टोलीको जितको लागि प्रयाप्त रहेन ।