कोलकाता- रोहित शर्माले बिस्फोटक ब्याट्डि गरेपछि मुम्बई इन्डियन्सले इन्डियन प्रिमियर लिगमा बुधबार कोलकाता नाइट राइडर्सलाई ६ विकेटले हराएको छ । १ सय ८८ रनको लक्ष्य पछ्याएको मुम्बईले ५ बलअघि नै ४ विकेटकको क्षेतिमा जित हासिल गरेको छ ।

मुम्बईका रोहित शर्मा ब्याटिड् गर्दै ।

दोस्रो खेलमा मुम्बईको त्यो पहिलो जित र कोलकाताको पहिलो हार हो । इडन गार्डेनमा पार्थिव पटेल, मिचेल म्याक्लिघान र जोस बटलरसँग महत्वपूर्ण साझेदारी गर्दै रोहितले टोलीलाई जित दिलाएका दिए । शर्माले अविजित ८४ रन बनाएका थिए । ५४ बलमा उम्यान अफ दी म्याच उनले १० चौका र २ छक्का प्रहार गरेका थिए । पछटेलसँग पहिलो विकेटका लागि ५३ रनको साझेदारी गरेका शर्माले बटलरसँग ६६ रनको साझेदारी गरे । खेलको अन्त्यतिर आउट भएका बटलरले २२ बलमा ३ छक्का र ३ चौका प्रहार गर्दै ४१ रन जोडे । पटले २३ र म्याक्लिघानले ८ बलमा ३ छक्का साथ २० रन बनाए । कोलकाताका आन्द्रे रसेल, पियुष चाउला र ककुलदीप यादवले समान १ विकेट लिए ।
त्यसअघि टस जितेर ब्याटिड् गरेको कोलकाताले गौतम गम्भिर र मनीष पाण्डेको अर्धशतकमा निर्धारित २० ओभरको खेलमा ५ विकेट गुमाएर १ सय ८७ रन बनाएको थियो । ओपनर गम्भिरले तेस्रो विकेटका लागि पाण्डेसँग एक सय रनको साझेदारी गरेका थिए । अर्का ओपनर रोविन उथप्पा (८) रनमा आउट भएपनि गम्भिर र पाण्डेले इनिड् सम्हालेका थिए । गम्भिरले ५२ बलमा ४ चौका र १ छक्कासहित ६४ रन बनाए । पाण्डेले २९ बलमा समान ३ चौका र ३ छक्काका साथ ५२ रन जोडे । रसेलले १७ बलमा ३६ रन बटुले । मुम्बई म्याक्लिघानले २ तथा हार्दिक पाण्डे र हरभजन सिंहले समान १ विकेट लिए ।