बैगलोर-रोयल च्यालेन्जर्स बैगलोरले इन्डियन प्रिमियर लिग (आइपिएल) दमदार सुरुआत गर्ने क्रममा मंगलबार सनराइजर्स हैदराबादलाई ४५ रनले हराएको छ ।

टस हारेर पहिले ब्याटिड् गर्ने पाएको मौकालाई भरपुर उपयोग गर्दै बैंगलोरले निर्धारित २० ओभरमा मात्र ४ विकेट गुमाएर २ सय २७ रन बनाएको थियो ।

एबी डि भिलियर्स र विराट कोहली ।

जवाफमा हैदराबादले ६ विकेटको क्षेतिमा १ सय ८२ रन बनाउन सक्यो । अन्तर्राष्ट्यि क्रिकेटका दुई सफल ब्याट्सम्यान विराट कोहली र एबी डि भिलियर्सले बिस्फोटड् ब्याटिड् गरेपछि बैंगलोरले दुई सय रनको आँकडा पार गरेको थियो ।

अर्का आक्रमक ब्याट्सम्यान क्रिस गेल (१) लाई सस्तैमा गुमाएपनि बैंगलोरको दोस्रो विकेटका लागि कोहली र डि भिलियर्सले १ सय ५८ रनको महत्वपूर्ण साझेदारी गरेका थिए ।

म्यान अफ दी म्याच दक्षिण अफ्रिकी डि भिलियर्सले ४२ बलमा ७ चौका र ६ चौकाको मद्दतमा ८२ रन बनाए । ओपनर कोहलीले ५१ बलमा ७ चौका र ३ छक्कासहित ७५ रन बनाए । सरफराज खानले १० बलमा ५ चौका र २ छक्काका साथ ३५ रन जाडेका थिए ।

हालै अन्तर्राष्ट्यि क्रिकेटबाट सन्यास लिएका १९ रन बनाए । हैदरबादका भुवनेश्वर कुमार र मुस्फिकर रहमानले समान २ विकेट लिए ।
जवाफमा डेभिड वार्नरले अर्धशतक बनाएपनि टोलीले पहिलो खेलमा हार टार्न सकेन ।

वार्नरले २५ बलमा ४ चौका र ५ छक्काकासहित ५८ रन बनाए । टोलीका लागि आशिष रेड्डीले ३२, कर्ण शर्मामाले २६, इयोन मोर्गानले २२ रन बनाए । बैगलोरका वार्टसन, युजभेन्द्र चाहालले समान २ विकेट लिए ।

आइपिएलमा कोलकाता नाइट राइडर्स र मुम्बई इन्डियन्सबीच प्रतिस्पर्धा हुनेछ ।