एजेन्सी – न्युजिल्यान्डसँगको पहिलो वान डे खेलमा बिहीबार पाहुना टोली श्रीलंका ४५ रनले पराजित भएको छ । ३ सय ७२ रनको विशाल लक्ष्य पक्ष्याएको श्रीलंका ४९ ओभरमा सबै विकेट गुमाएर ३ सय २६ रनमा समेटियो । श्रीलंकाका लागि कुशल परेराले शतक प्रहार गरे पनि टोलीको हार टार्न सकेनन् ।

परेराले ८६ बलमा १३ चौका र १ छक्का प्रहार गर्दै १ सय २ रनमा आउट भए । निरोशन डिकवेलाले ५० बलमा ८ चौका र ३ छक्का प्रहार गर्दै ७६,दनुष्का गुणतिलक ४३, कुशल मेन्डिस १८ र दिनेश चान्डिमलले १० रन बनाउन बाहेक अन्य कुनै पनि ब्याट्सम्यानले राम्रो प्रर्दशन गर्न सकेनन् । बलिङमा जेम्स निशमले ३, ट्रन्ट बोल्ट,ईश सोधी र लोकी फर्ग्यूसनले समान दुई विकेट लिदा म्याट हेनरीको नाममा १ विकेट रह्यो ।

त्यस अघि घरेलु मैदान माउन्ट मन्गनुईइमा टस जितेर पहिला ब्याटिङ थालेको न्युजिल्यान्डले निर्धारित ५० ओभरमा ७ विकेटको क्षतिमा ३ सय ७१ रन बनाएको थियो । उस्का लागि ओपनर मार्टिन गुप्टिलले १३९ बलमा ११ चौका र ५ छक्का प्रहार गर्दै १३८ रन बनाए । अन्तिम तिर विश्फोटक ब्याटिङ गर्दै जेम्स निशमले मात्र १३ बलमा ६ छक्का प्रहार गरि ४७ रनमा नट आउट रहे ।

एक वर्षपछि राष्ट्रिय टिममा कमब्याक गरेका जेम्स निशमले ४९ औ ओभरमा थिसारा परेरालाई लगातार पाँच छक्का प्रहार गरेका थिए । न्युजिल्यान्डका अन्य कप्तान केन विलियम्सनले ७६,रोस टेलर ५४,कोलिन मुनरो १३ र हेनरीक निकोलस १५ रन बटुले । श्रीलंकाका लागि कप्तान लाथिस मलिङ्गा, थिसारा परेरा र नुवान प्रदीपले समान दुई विकेट लिए। तीन वान डे सिरीजको दोस्रो खेल आगमी शनिबार हुने छ ।