6 years ago
January 2, 2019
काठमाडौं (हाम्रो खेलकुद) – नेपाली युवा लेग स्पिनर सन्दीप लामिछाने विग ब्यासमा शानदार प्रर्दशन गर्दै मंगलबार राती बंगलादेशतर्फ लागेका छन् ।
मंगलबार राति मेलबर्न विमानस्थलबाट ढाकाका लागि प्रस्थान गरेका सन्दीपले आफ्नो सामाजिक संजालमा फोटो राख्दै मेलबर्न स्टार्सलाई आगमी खेलको लागि शुभकामना समेत दिएका छन् । सानदार प्रर्दशन गरेका सन्दीपले विग ब्यास भन्दा पहिला बंगलादेश प्रिमिएर लिगमा सिलहेट सिक्सर्ससँग सम्झौता गरेको कारण बंगलादेश गएका हुन् । सिलहेट सिक्सर्सबाट सन्दीपले जनवरी २३ सम्म बंगलादेश प्रिमियर लिग खेल्ने छन् । त्यसपछि उतैबाट २४ जनवरीमा युएईसँग हुने समान तीन ओडीआई र टी २० को लागि दुबईतर्फ लाग्ने छन् ।
यस्तो रह्यो विग ब्यासमा सन्दीपको प्रर्दशन
सन्दीपले आफु कुन स्तरको बलर हुन भन्ने विश्व क्रिकेटलाई विग ब्यासमा पनि प्रमाणित गरेर देखाए । यसभन्दा अघि इन्डियन प्रिमियर लिग (आईपीएल) ,क्यानडा प्रिमियर लिग, क्यारेबियन प्रिमियर लिग, अफगानिस्तान प्रिमियर लिग र यूएईको टी–१० लिगमा पनि सन्दीपले आफुलाई प्रमाणित गरिसकेका थिए । मेलबर्न स्टारबाट विग ब्यास खेलेका सन्दीपले ४ खेलमा ८ विकेट लिन सफल भए । जस्मा चारै टिममा कप्तानलाई आफ्नो गुग्लीको पासोमा फसाए ।
सन्दीपले बिग ब्यासका ४ खेलमा १६ ओभर बलिङ गर्दै १ सय ९ रन खर्चे । उत्कृष्ट प्रर्दशन गरेका सन्दीपले लिएका ८ विकेट मध्य चार विकेट विपक्षी कप्तानका थिए । सन्दीपले सिड्नी थन्डरविरुद्ध डेब्यूमै दुई विकेट लिदै सनसनि मच्चाए । डेब्यूमा सन्दीपले सिड्नीका कप्तान सेन वाटसन र क्यलम फर्गसनलाई आउट गरे । उक्त खेलमा सन्दीपले ४ ओभरमा ३६ रन खर्चिए ।
दोस्रो खेलमा सन्दीपले होबार्ट हरिकेन्सविरुद्ध उत्कृष्ट बलिङ गर्दै ४ ओभरमा २४ रन खर्चेर ३ विकेट लिए । कप्तान मयाथ्यू वेड सहित एलेक्स डूलन र बेन मेक्डरमटलाई सन्दीपले पेभिलिएन फर्काए । तेस्रो खेलमा सन्दीपले झनै घातक बलिङ गर्दै सिड्नी सिक्सर्सबीरुद्ध ४ ओभरमा मात्र १८ रन खर्चेर २ विकेट लिए । सिड्नीका कप्तान मोइशेस हेनरिक र टम करन सन्दीपको शिकार बने । चौथो खेलमा सन्दीपले मेलबर्न रेनेगेड्सविरुद्ध मध्यम प्रर्दशन गर्दै ४ ओभरमा ३१ रन खर्चेर १ विकेट लिए । सन्दीपले कप्तान टम कुपरलाई पेभेलियन फर्काएका थिए ।
११ औं संकरणमा साविक दिल्ली डेयरडेभिल्सबाट व्यवसायिक क्रिकेट यात्रा थालेका सन्दीपले विश्वका चर्चिच फेन्चाइज टी–२० लिगमा आफ्नो राम्रो छाप छोडेका छन् । छाप मात्र होइन नाम र दाम पनि राम्रो कमाइरहेका छन् । साच्चै सन्दीपले भने जस्तै उनको राम्रो प्रर्दशनले अन्य प्रतिभाशाली नेपाली खेलाडीहरुको लागि पनि विदेशी व्यवसायिक लिग खेल्न अब बाटो धेरै सहज बनेको छ ।
January 15, 2025
सुबास हुमागाईं, काठमाडौं नेपाली राष्ट्रिय क्रिकेट टोलीले २ वर्षअघि मोन्टि देशाइलाई मुख्य प्रशिक्षकको रुपमा पाएको थियो । ओडीआई मान्यता नै गुम्ने खतरा बढेको अवस्थामा जोखिम लिएर नेपाल आएका मोन्टिले छोटो समयमा नै आफ्नो प्रभाव जमाएर नेपालको ओडीआई मान्यता मात्र जोगाएनन्, लिग-२ को पुछारनजिकबाट तेस्रो स्थानसम्म उकाले । मोन्टिको नियुक्ति भएको २ वर्ष बित्दा नेपालको ब्याटिङमा […]
January 15, 2025
काठमाडौं(हाम्रो खेलकुद) – जय ट्रफी मेन्स एलिट कप क्रिकेटको फाइनलमा त्रिभुवन आर्मी क्लबविरुद्ध नेपाल पुलिस क्लबले सामान्य अग्रता लिएको छ। वीरगंजमा जारी फाइनलमा पुलिसले दोस्रो दिन बुधवारको खेल सकिँदा दोस्रो इनिङमा ९५ रनको अग्रता लिएको छ । दोस्रो दिनको समाप्तिमा पुलिसले १ सय ३२ रन जोड्दा ९ विकेट गुमाएको छ । पुलिसका लागि कुशल भुर्तेलले […]
January 15, 2025
काठमाडौं(हाम्रो खेलकुद) – ओपनर ब्याटर कविता कुँवरको अर्धशतकमा सुदूरपश्चिम प्रदेशले धनगढीमा जारी महिला प्रधानमन्त्री कप राष्ट्रिय टि ट्वान्टी प्रतियोगितामा बुधवार लुम्बिनी प्रदेशलाई पराजित गरेको छ । दिनको दोस्रो खेलमा सुदूरपश्चिमले लुम्बिनीमाथि ७५ रनको जित हात पारेको छ । पहिलो खेलमा मंगलवार गण्डकी प्रदेशलाई पराजित गरेको सुदूरपश्चिमको यो लगातार दोस्रो जित हो । लुम्बिनी आफ्नो पहिलो […]
