काठमाडौं (हाम्रो खेलकुद) – नेपाली युवा स्पिनर सन्दीप लामिछानेले आफ्नो चौथो खेलमा मेलबर्न रेनेगेड्सविरुद्ध मध्यम बलिङ गरेका छन् ।

सन्दीपले रेनेगेड्सविरुद्ध ४ ओभरमा ३१ रन खर्चेर १ विकेट लिएका छन् । टस जितेर पहिला बलिङ थालेको स्टारले सन्दीपलाई चौथो ओभरमा बलिङ गर्न ल्याएको थियो । उक्त ओभरको चौथो र पाँचौ बलमा साम हार्परले चौका प्रहार गरेपछि पहिलो ओभरमा सन्दीपले ११ रन खर्चिन पुगे ।

दोस्रो स्पेलका रुपमा सन्दीपलाई कप्तान ग्लेन म्याक्सवेलले ११ औं ओभरमा ल्याएका थिए । यस ओभरको अन्तिम बलमा कप्तान टम कुपरलाई १० रनमा सन्दीपले बोल्ड गर्दिए र मात्र ४ रन खर्चेका थिए । त्यस्तै सन्दीपले १३ ओभरमा ८ रन खर्चिदा कुनै विकेट लिएनन् । आफ्नो अन्तिम स्पेल लिएर १७ ओभरमा बलिङ गर्न आएका सन्दीपले ९ रन खर्चिन पुगे । रेनेगेड्सले निर्धारित २० अोभरमा ९ विकेट गुमाएर १ सय ४८ रन जोड्यो ।

यसअघि सन्दीपले डेब्यू खेलमा सिड्नी थन्डरविरुद्ध २, होबार्ट हरिकेन्सविरुद्ध ३ र सिड्नी सिक्सर्सविरुद्ध २ विकेट लिएका थिए । यी तिनै टिमका कप्तान सन्दीपको शिकार बन्न पुगेका थिए । यो सँगै सन्दीप अव बंगलादेश प्रिमियर लिग खेल्न भोली बंगलादेश जाने छन् ।

विग ब्यासमा सानदार प्रर्दशन गरेका सन्दीपले ४ खेलमा कुल ८ विकेट लिए । सन्दीपले विग ब्यास भन्दा पहिला बंगलादेश प्रिमिएर लिगमा सिलहेट सिक्सर्ससँग सम्झौंता गरेको कारण बंगलादेश जान पर्ने भएको हो ।