एजेन्सी –  इन्डियन प्रिमियर लिग (आईपीएल) को १२ औं संकरणको मार्च २९ देखी सुरु हुँदैछ । यस सिजनको लागि अक्सन पनि जयपुरमा गत साता नै सम्पन्न भइसकेको छ ।

अक्सनमा ४० भारतीय र २० विदेशी खेलाडीलाई ८ टिमले किनेका छन् । टिम बलियो बनाउन र उपाधि जित्ने लक्ष्य सहित हरेक टिमले स्टार र युवा खेलाडी अनुबन्ध गरेका छन् । यस पटकको अक्सनमा जयदेव उनादकट र वरुण चक्रवर्ती सर्वाधिक महँगो मूल्यमा अनुबन्धित भए । वरुणलाई किंग्स इलाभेन पञ्जाब र उनदकटलाई राजस्थान रोयल्सले समान ८ करोड ४० लाख रुपैयाँ खर्चिए। त्यस्तै इंग्ल्यान्डका युवा अलराउण्डर साम करनमाथि पञ्जाबले ७ करोड २० लाख रुपैयाँ खर्चियो । हरेक प्रतियोगितामा कुन टिम कस्तो छ भन्ने त्यो टिममा रहेका खेलाडीहरु हेरेर अनुमान गर्न सकिन्छ ।

यस कारण २०१९ मा आईपीएलमा यी ३ टिम सवैभन्दा बलिया छन् :

सनराइजर्स हैदरावाद :

हैदरावाद गत वर्षको उपविजेता टोली हो। गत वर्ष केन विलियम्सनले कप्तानी समालेको हैदरावदमा यस पटक अष्ट्रेलियाका डेविड वार्नर पनि खेल्ने छन् । वार्नरले गतवर्ष बल टेम्पिरिङ काण्डका कारण खेल्न पाएनन् । शिखर धवन दिल्ली क्यापिटल्समा जादा न्युजिल्यान्डका विष्फोटक ब्याट्सम्यान मार्टिन गुप्टिललाई अनुबन्ध गरेको छ । त्यस्तै उत्कृष्ट लयमा रहेका इंग्ल्यान्डका जोनी बेरस्टोको अनुबन्धले हैदराबाद झनै बलियो देखिन्छ । त्यस्तै विश्वका नम्बर वान बलर राशिद खान पनि हैदराबादमै छन् । ८ टिममा हैदरावाद सबैभन्दा बलियो र सन्तुलन टिम हो ।

हैदराबादले सन् २०१६ को च्याम्पियन टिम हो। भुवनेश्वर कुमार, सन्दीप शर्मा, खलिल अहमदको साथै नम्बर वान अलराउण्डर सकिब अल हसन पनि हैदराबादमै छन् । जस्को कारण हैदराबाद उपाधिको प्रमुख दावेदार र यस संस्करणको बलियो टिम हो ।

हैदरावादको टिम :
डेविड वार्नर, केन विलियम्सन,राशिद खान,मोहम्मद नाबी,शाकिब अल हसन,रिद्धिमान शाह,जोनी बेयरस्टो,मार्टिन गुप्टिल,भुवनेश्वर कुमार,बिली स्टैनलेक,दीपक हुड्डा,बेसिल थन्पी,मनीष पान्डे,टी नटराजन,रिकी भुई,सन्दीप शर्मा,सिद्धार्थ कौल, श्रीवत्स गोस्वामी,खलील अहमिद र यूसुफ पठान ।

मुम्बई इन्डियन्स

चेन्नाई सुपर किंग्सपछि मुम्बई आईपीएलमा सर्वाधिक सफल टिम हो । मुम्बईले ३ पटक उपाधि जित्दा १ पटक फाइनलमा पगुेको छ। गत संकरणमा भने मुम्बईले राम्रो प्रर्दशन गर्न सकेन । समुह चरणबाटै बाहिरियो ।

तर यस पटक मुम्बई बलियो टिम देखिएको छ। रोहित शर्मा कप्तान रहेको मुम्बईले युवराज सिंहलाई टोलीमा भित्र्याएको छ । मुम्बईमा बलियो हुनुमा हार्दिक पान्ड्या,कुनाल पान्ड्या किरान पोलार्ड जस्ता स्टार अलराउण्डर खेलाडी छन् । त्यस्तै योर्कर फाल्न सिपालु विश्वका स्टार बलर जसप्रित बुमराह मुम्बईम मुख्य हतियार हुन् । त्यस्तै लाथिस मलिङ्गा,क्विटन डी काँक,एविन लुईस,बेन कटिन र इशान किशान पनि मुख्य हतियार हुन् । जस्को करण मुम्बई बलियो र उपाधिको दावेदार टिम मान्न सकिन्छ ।

मुम्बईको टिम :
रोहित शर्मा (कप्तान), हार्दिक पान्ड्या,जसप्रीत बुमराह,क्रुणाल पान्ड्या,ईशान किशन,सूर्यकुमार यादव,मयंक मार्कडेंय,राहुल चहर,अनुकूल रोय,सिद्धेश लाड,आदित्य तरे,क्विटन डी कॉक,एविन लुईस,किरोन पोलार्ड,बेन कटिंग,मिचेल मैक्लेनेघन,एडम मिल्ने र जेसन बेहरनडॉर्फ, युवराज सिंह,अनमोलप्रीत सिंह,लसिथ मलिङ्गा,बरिंदर सरन,पंकज जैसवाल,रसिख डार।

रोयल च्यालेन्जर बेंगलोर

विराटकोहली कप्तान रहेको बङ्लोर ११ संकरणको आईपीएल सकिदा उपाधि जित्न सकेको छैन । ३ पटक फाइनलमा पुगेको छ । यस पटक बेंगलोरलाई बलियो टिम मान्न सकिन्छ ।अक्सन अघि बेंगलोरले बे्रन्डम म्याकुलम,क्रिस वोक्स, सरफराज खान र मनदिप सिंहलाई रिलिज गरेर श्रिमण हेटमाएर,हेनरिक्स क्लासेन र शिवम दूबे जस्ता खेलाडी किनेको छ । दूबे भारतीय घरेलु लिगमा सानदार प्रर्दशन गर्दै आएका छन् भने हेटमाएर वेस्ट इन्डिज र क्लासने दक्षिण अफ्रिकाबाट उत्कृष्ट प्रर्दशन गरि रहेका छन् ।

बेंगलोरमा कोहलीसँगै एवी डी भिलियर्स,युवेन्द्र चाहाल,उमेश यादव,टिम साउदी,कोलिन डी ग्रान्डहोम जस्ता विश्वका स्टार खेलाडी छन् । त्यस्तै नाथन कुल्टन नाइल, मार्कस स्टोनिस, मोइन ओली पनि रामै लयमा छन् । त्यस्तैले पनि यस पटक बेंगलोर बलियो टिम बनेको छ ।

बेंगलोरको टिम : विराट कोहली (कप्तान), एबी डी भीलियर्स,पार्थिव पटेल,उमेश यादव,मोहम्मद सिराज,मार्कस स्टोइनिस, कुलवन्त खेजरोलिया,युजवेंद्र चहल,टिम साउदी,नाथन कूल्टर नाइल,मोइन अली,कोलिन डी ग्रान्डहोम,श्रिमण हेनमाएर,शिवम दुवे,मिलिंद कुमार,देवदत्त पदीकल,अक्षदीप नाथ,हिम्मत सिंह,प्गुरकीरत सिंहमान,हेनरिक क्लासेन र नवदीप सैनी।